قوعام • 11 شىلدە، 2020

بەلگىلى اكتەر پرەزيدەنت باستاماسىنا قولداۋ ءبىلدىردى

31 رەت كورسەتىلدى

ۇكىمەتتىڭ كەڭەيتىلگەن وتىرىسىنداعى پرەزيدەنت قاسىم-جومارت توقاەۆتىڭ تاپسىرماسىنا قاتىستى تانىمال اكتەر، ءارى ازىلكەش نۇرتاس ادامباي پىكىر ءبىلدىردى، - دەپ حابارلايدى Egemen.kz.

"ادامدار قورشاعان ورتاعا دەگەن كوزقاراسى مەن قارىم-قاتىناسىن وزگەرتسە ەكەن دەپ ويلايمىن. ەكولوگيا سالاسىنا جانۋارلار الەمىن قورعاۋ ماسەلەسى دە كىرەدى. ەلىمىزدە ءۇي جانۋارلارىن قورلاۋ دەرەكتەرى كوپ تىركەلۋدە. اقتاۋدا يتبالىقتاردى ۇرىپ جاتقان وقيعالار دا بولدى. ءتىپتى، بۇل تۋرالى «NewYorkPost» باسىلىمىندا ماقالا جاريالانىپ، حالىقارالىق بۇقارالىق اقپارات قۇرالدارى جارىسا جازدى. بۇل ءبىزدىڭ مەملەكەتتىڭ بەدەلىنە ايتارلىقتاي نۇقسان كەلتىرۋدە. قانشاما حالىقارالىق ماڭىزعا يە جيىندار مەن شارالاردى وتكىزىپ جاتىرمىز. الايدا، وسىنداي ءبىرلى-جارىم جايسىز وقيعالار بار ەڭبەگىمىزدى جوققا شىعارادى. ءسويتىپ، ءبىز ءوزىمىزدى مادەنيەتسىز ادامدار رەتىندە كورسەتىپ الامىز. نەگىزىندە، بىزدەگى حالىقتىڭ ءبارى ونداي ەمەس قوي؟!"، - دەپ جازدى ادامباي. 

ونىڭ ايتۋىنشا، مۇنى كەيىنگە شەگەرە بەرۋگە بولمايدى. ادامدار وزدەرىن جەر شارىنىڭ قوجايىنى ەكەنبىز دەپ سەزىندى.تابيعاتتى قۇرىتا باستادى. جەر استىنداعى قازبا بايلىقتىڭ ءبارىن اياۋسىز قازىپ الىپ، ورنىن ەشتەڭەمەن تولتىرمادى.

"قاسىم-جومارت توقاەۆ وسىنداي ماسەلەلەرگە كوڭىل ءبولىپ وتىرعاندىعى قاتتى قۋانتادى. ايتەۋىر،بۇل پروبلەمالارعا كوڭىل بولىنە باستادى. شىنى كەرەك، ءبىز قورشاعان ورتاعا ءبىر تىرشىلىك الەمى رەتىندە ەمەس، جانسىز دۇنيە سياقتى قاراپ كەلەمىز عوي؟! مىسالى،ءبىزدىڭ ەلدە ءيتتى تاسپەن ۇرۋ دورەكىلىك بولىپ سانالمايدى. مەن سوڭعى كەزدەرى «بۇگىن كىشكەنتاي جانۋارعا زيانىن تيگىزگەن ادام، ەرتەڭ ادامزات بالاسىن دا ايامايدى» دەگەن ويمەن كەلىسە باستادىم. ءتىپتى، اناۋ ءبىر دەرەكتى فيلمدە دە كورسەتەدى عوي. ءبىر جاۋىز ادام باسىندا جانۋارلاردى ازاپتاپ ولتىرەدى دە، ەڭ سوڭىندا ادام ءولتىرىپ، ونى بەينەتاسپاعا جازىپ الادى. دەمەك، بۇلاي جالعاسا بەرسە، ادامدار وزدەرى عانا ازعىندالىپ كەتپەيدى. قورشاعان ورتانى دا قۇرىتادى دەپ ويلايمىن"،- دەدى اكتەر.

 

سوڭعى جاڭالىقتار

اداسقان بالالار امان-ەسەن تابىلدى

ايماقتار • 07 تامىز، 2020

ۇقساس جاڭالىقتار