ۆيتسە-مينيستر ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ەلىمىزدە جاساندى تىنىس الدىرۋ اپپاراتىنىڭ (يۆل) ءوندىرىسى قولعا الىنعانىن ايتتى.
"دەنساۋلىق ساقتاۋ جانە قارجى مينيسترلىكتەرىمەن بىرىگىپ, جاساندى تىنىس الدىرۋ اپپاراتىن ءوندىرۋدى ۇيىمداستىرۋ بويىنشا جۇمىستار جۇرگىزىلىپ جاتىر. ياعني, اتالعان اپپارات ءوندىرىسىنىڭ قارجىلاندىرۋ تەتىگىن جەڭىلدەتۋ جانە ولاردىڭ ناقتى ءتىزىمىن ەسەپتەپ, وڭىرلەرگە جەتكىزۋ بويىنشا. الدىن الا بولجام بويىنشا جاساندى تىنىس الدىرۋ اپپاراتتارىنا قاجەتتىلىك - 3 مىڭ بىرلىك. ونى ءبىزدىڭ وتاندىق وندىرۋشىلەر جىلدىڭ سوڭىنا دەيىن وندىرەدى. ءوندىرىستىڭ ورتاشا قۋاتتىلىعى - ايىنا 54 بىرلىك", - دەدى ەرجانوۆ.
سونداي-اق, ول العاشقى 50 جاساندى تىنىس الدىرۋ اپپاراتى وسى ايدا اۋرۋحانالارعا جەتكىزىلەتىنىن اتاپ ءوتتى.
مينيستر ورىنباسارىنىڭ ايتۋىنشا, اپپاراتتى نەگىزگى وندىرۋشىلەر - "بارك تەحنولودجي" جشس, "كازاحستان ينجينيرينگ" جشس. ولار وسى اپپاراتتارعا دەگەن قاجەتتىلىكتى جابۋى قاجەت. ەگەر اپپاراتتارعا قوسىمشا قاجەتتىلىك تۋىنداسا, "ورال مەدرەگيون" جشس, "كازمەدپريبور" جشس-عا ءۇمىت ارتامىز. بۇل ورتاشا ەسەپپەن ايىنا 386 اپپارات نەمەسە جىل سوڭىنا دەيىن 1 930 بىرلىك.
