اپپاراتتى شەتەلدەن ساتىپ العانىمەن بەلسەندىلەر ونى ەلگە كىرگىزۋ پروبلەماسى بويىنشا مەملەكەت باسشىسىنان كومەك سۇراعان ەدى.
ەلگە قيىن كەزەڭدە كومەك كورسەتۋگە بەلگىلى ءدىنتانۋشى قايرات جولدىباي ۇلى, اقىن اينۇر تۇرسىنباەۆا, بلوگەر ءارى جۋرناليست داۋلەت مۇقاەۆ, جانات باقىت, دينارا ءساتجان قاتارلى بەلسەندى ازاماتتار جۇمىلعان بولاتىن.
وسى ازاماتتار ارنايى شوت اشىپ, حالىقتان جىلۋ جيناعان. تۇركيا مەن قىتايدان وكپەنى جاساندى جەلدەتۋ اپپاراتتارى مەن ءدارى-دارمەك ساتىپ العان ولار وسى كەرەك-جاراقتى ەلگە كىرگىزۋ ماسەلەسىمەن بەتپە-بەت كەلگەن.
قاسىم-جومارت توقاەۆتىڭ قوعام بەلسەندىلەرىنە كومەك بەرەتىنىن ءباسپاسوز حاتشىسى بەرىك ءۋالي راستادى. وسىلايشا اينۇر تۇرسىنباەۆا مەن داۋلەت مۇقاەۆ تۇركيادان وكپەنى جاساندى جەلدەتەتىن 225 اپپاراتىن ءوڭىر-وڭىرلەرگە تاراتادى.
