"بەيمالىم پنەۆمونيا" تۋرالى اقپار الدىمەن قىتايدىڭ قازاقستانداعى ەلشىلىگىنىڭ سايتىندا شىققان. قىتاي ەلشىلىگى قازاقستاندا وكپە دەرتى قاتتى ءورشىپ كەتكەنىن حابارلاپ, جارتى جىلدا پنەۆمونيادان 1772 ادامنىڭ قايتىس بولدى دەگەن دەرەك تارقاتقان. قايتىس بولعاندار اراسىندا قىتاي ازاماتتارى بار ەكەنىن كورسەتىپتى. ەلشىلىكتىڭ بۇل حابارلاماسى كورشى ەلدىڭ بىرنەشە ءباسپاسوز بەتىندە جاريالانىپ كەتكەن.
وسىعان بايلانىستى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ جاۋاپ بەرىپ, اقپاراتتىڭ شىندىققا جاناسپايتىنىن ايتتى.
"دۇنيەجۇزىلىك دەنساۋلىق ساقتاۋ ۇيىمىنا قازاقستان كىرەدى. سول ۇيىمنىڭ حالىقارالىق ىندەتتەردى كلاسسيفيكاتسيالاۋ كودتارىن بەرگەن بولاتىن وسى پنەۆمونياعا بايلانىستى. سول كودقا سايكەس, قازاقستان رەسپۋبليكاسى پنەۆمونيا اۋرۋىن ەسەپكە الىپ, مونيتورينگ جۇرگىزەدى. سول مونيتورينگتىڭ ارقاسىندا ءبىز كەرەكتى شارالاردى قولعا الامىز", - دەدى ول.
