بۇدان بىرەر كۇن بۇرىن قوستانايدا مەملەكەت باسشىسىنىڭ ۇلكەن قىزى داريعا نازارباەۆانىڭ جەكە كونتسەرتى بولىپ ءوتتى. كونتسەرت وتكەن وبلىستىق فيلارمونيانىڭ زالىندا ينە شانشارلىق ورىن بولماعان. بۇل تۋرالى جەرگىلىكتى «ناشا گازەتا» حابارلادى.
«سوڭعى جىلدارى كلاسسيكالىق اندەردى ورىنداۋدىڭ شەبەرى رەتىندە تانىلىپ قالعان داريعا نازارباەۆانىڭ رەپەرتۋارىمەن تانىسۋعا ۇلكەن مەن كىشى تۇگەل جينالدى», - دەپ مالىمدەدى ءبىزدىڭ ءوز مانبەمىز. ولاردىڭ اراسىندا وبلىستىق دەڭگەيدەگى باسشىلاردان, بيزنەسمەندەردەن, مەملەكەتتىك قىزمەتكەرلەردەن, جوو رەكتورلارىنان بولەك, ولگا كيكولەنكو, يرينا ارونوۆا, زاعيپا باليەۆا, ازات پەرۋاشەۆ سەكىلدى ءماجىلىس دەپۋتاتتارى بولعان.
ال كونتسەرتتە ورىس جانە قازاق تىلدەرىندەگى شىعارمالار ورىندالعان. سونىڭ ىشىندە كورەرمەندەر «كوك ورامال», «كەل, تەمەكى شەگەيىك», «كەتە كورمە, مەنىڭ كوگەرشىنىم», «كەزدەيسوق ۆالس», «ەسسىز تۇندەر», «مەن جىگىتتى ءسۇيىپ قالدىم», «ەسىڭە ءتۇسىرىپ اۋرە بولما» سەكىلدى سوعىس جىلدارىنداعى اۋەندەر مەن ەسكى رومانستاردى سۇيسىنە تىڭدادى.
«ءاربىر ءنومىر قول شاپالاقتاۋمەن شىعارىپ سالىندى. كەيدە ورىنداۋشىعا گۇل شوقتارىن بەرۋ ءۇشىن كەزەك كەرىلىپ جاتتى. ەڭ سوڭىندا وبلىس اكىمى نۇرالى سادۋاقاسوۆ قوناققا كەمىندە ءجۇز تال رايحان گ ۇلى بار كارزەڭكە تاپسىردى», - دەلىنگەن اقپاردا.
ساكەن مايلىباي.
