"كۇن سايىن تاڭەرتەڭنەن باستاپ COVID-19-دان قايتىس بولعان وتانداستارىمىز تۋرالى مالىمەت العاندا جۇرەگىم قانسىرايدى, كوزىمە جاس تولادى. بىراق بۇگىنگى جاڭالىق, الماتى وبلىسىنىڭ باس مەملەكەتتىك سانيتار دارىگەرى بايمۇحامبەتوۆ قايرات قاجىمان ۇلى ومىردەن وتكەنى ەرەكشە اۋىر ءتيدى. قايرات قاجىمان ۇلىمەن 15 جىلدان استام ۋاقىت بويى تانىسپىن, بىرگە جۇمىس ىستەدىك.
ول پاندەميا كەزىندە ۆيرۋستى ءوزى جۇقتىرىپ الۋ قاۋىپىنە قاراماستان اۋرۋعا قارسى ءىس-قيمىلعا بەلسەندى قاتىسىپ, اۋرۋحانا, ستاتسيونارلارعا بارعانىن جانە پاتسيەنتتەرمەن بايلانىسقانىن اتاپ ءوتتى. ايتۋىنشا, بارلىق ساقتىق شاراسىنا قاراماستان, ۆيرۋس ونى دا ايامادى.
"ول ءتىپتى اۋرۋحانادا جاتقاندا ساۋىعىپ شىعاتىنىنا سەنگەن جانە جاعدايى ناشارلاعانشا قىزمەت جۇمىسىن باسقاردى.
ونىڭ جارى, بالالارىنا جانە جاقىندارىنا كوڭىل ايتۋ ءۇشىن ءسوز جەتپەيدى. ەلدىڭ بارلىق سانيتار-ەپيدەميولوگيالىق قىزمەتى سىزدەرمەن بىرگە قايعىرادى. قايرات قاجىمان ۇلى ءبىزدىڭ جۇرەگىمىزدە ماڭگى قالادى. جاتقان جەرى جايلى بولسىن!
مەنىڭ قىمباتتى وتانداستارىم. سىزدەردەن كارانتين ساقتاۋلارىڭىزدى سۇرايمىن, ءوزىڭىزدى جانە دەنساۋلىعىڭىزدى ساقتاڭىزدار. قازىر توي, قۇدالىق نەمەسە قانداي دا ءبىر ءداستۇرلى مەيرامدى وتكىزبەگەنىمىز ۇيات ەمەس. قازىر تەك ءومىر مەن ءولىم بار, ادام كەتىپ قالعاندا بىردەڭە ىستەۋ كەش", - دەدى ول.
