قوعام • 10 شىلدە، 2020

سىبايلاس جەمقورلىققا قارسى اگەنتتىك ازاماتتاردى جاڭا تۇجىرىمدامانى تالقىلاۋعا شاقىردى

12 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" زاڭ جوباسىنىڭ تۇجىرىمداماسىن ازىرلەدى، - دەپ جازادى Egemen.kz

بۇل تۋرالى اگەنتتىكتىڭتىك رەسمي تەلەگرام ارناسىنا حابارلاندى. 

- تۇجىرىمداما جاريا تالقىلاۋ ءۇشىن "اشىق نقا" ينتەرنەت-پورتالىندا» (https://legalacts.egov.kz/npa/view?id=4283406) جانە اگەنتتىكتىڭ سايتىندا
(https://www.gov.kz/memleket/entities/anticorruption/documents/details/47919?lang=kk) ورنالاستىرىلعان.

سىبايلاس جەمقورلىق ءۇشىن جاۋاپكەرشىلىكتى كۇشەيتۋ، "سىبايلاس جەمقورلىق" ۇعىمىن جەكە سەكتورعا تاراتۋ، قوعامدىق باقىلاۋ ينستيتۋتىن قۇقىقتىق رەگلامەنتتەۋ، سىبايلاس جەمقورلىق فاكتىلەرى تۋرالى حابارلاعان ادامداردى قورعاۋدىڭ كەشەندى جۇيەسىن قالىپتاستىرۋ جانە ت.ب. بىرقاتار سىبايلاس جەمقورلىققا قارسى جاڭا باستامالاردى قاراۋ جانە ىسكە اسىرۋ ۇسىنىلادى.

باستاماشىلىق ەتىلگەن شارالار كەشەنى ۇلتتىق زاڭنامانى حالىقارالىق ستاندارتتارمەن ۇيلەستىرۋگە، 2019 جىلعى سىبايلاس جەمقورلىققا قارسى ءىس-قيمىل تۋرالى ۇلتتىق باياندامانىڭ ۇسىنىمدارىن ىسكە اسىرۋعا باعىتتالعان، سونداي-اق قۇقىق قولدانۋ تاجىريبەسىنەن تۋىندايدى.

ۇسىنىلعان تۇزەتۋلەردى قابىلداۋ سىبايلاس جەمقورلىققا قارسى ءىس-قيمىلدىڭ تيىمدىلىگىن ايتارلىقتاي ارتتىرۋعا مۇمكىندىك بەرەدى

اگەنتتىك ازاماتتاردىڭ تۇجىرىمدامانى جاريا تالقىلاۋعا بەلسەندى تۇردە قاتىسۋىن سۇرايدى.

ءوز ۇسىنىستارىڭىز بەن ەسكەرتۋلەرىڭىزدى "اشىق نقا" ينتەرنەت-پورتالىندا ورنالاستىرۋعا بولادى.

ءسىزدىڭ پىكىرىڭىز ءبىز ءۇشىن وتە ماڭىزدى، - دەلىنگەن حابارلامادا.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار