اقتوبە قالاسىنىڭ ىرگەسىندەگى كيرپيچنىي كەنتىندە سۇمدىق قايعىلى وقيعا ورىن الدى. ءۇي جانىنداعى جانىپ كەتكەن سارايدان 4 جاسار قىزدىڭ ءمايىتى تابىلدى. بۇل تۋرالى اktobetimes.kz حابارلادى.
قازىر كارينا ەسىمدى ءبۇلدىرشىننىڭ تۋعان-تۋىستارى سارايدىڭ قىز ءولىمىن بۇركەمەلەۋ ءۇشىن قولدان ورتەلگەنىن ايتىپ وتىر. وقيعا 7 قازان كۇنى بولعان. ساراي جانىپ جاتقان كەزدە ونىڭ ىشىندە كىشكەنتاي قىزدىڭ بار ەكەنىن ەشكىم بىلمەگەن. ال ەسىكتى اشقاندا, جۇرتتىڭ ءبارى ونىڭ تۇرعان قالپىنا تاڭ قالعان. ول ەسكى كرەسلو مەن ەسكى ماشينەنىڭ كاپوتى اراسىنا قىستىرىلىپ تۇرعان. ءبۇلدىرشىننىڭ سارايعا قالاي كەلىپ قالعانىن دا ەشكىم بىلمەيدى.
كارينانىڭ تۋعان تاتەسى ماريا بەلان (سۋرەتتە) ونىڭ كوز الدىندا ويناپ جۇرگەنىن ايتادى. سوڭعى 15 مينۋتتا عانا كەنەت جوق بولىپ كەتكەن.
جۇرت قازىر كىشكەنتاي قىزدىڭ ەسىكتى اشىپ, ونى ىشىنەن ءىلىپ قويۋعا شاماسى كەلمەيدى دەسەدى. دەمەك, ونى بىرەۋ ءولتىرىپ, سوسىن سارايعا وت قويىپ كەتكەن.
تاعى بىرەۋلەر مۇنى ىستەگەن قىزدىڭ وگەي اكەسى دەگەندى دە ايتۋدا.
«مەنىڭ باۋىرىم ونىمەن جەتى ايدان بەرى تۇرىپ جاتىر, - دەيدى ماريا. – كارينا – ونىڭ بالاسى ەمەس. ءسىڭلىم باسىندا سودان ەكىقابات بلىپ قالعان. بىراق ابورت جاساتتى. سول كۇنى ءسىڭلىمنىڭ ازاماتتىق كۇيەۋى ۇيدە جالعىز بولدى. كارينا اجەسىنەن اكەلگەن جۇگەرىسىن ۇيدە قالدىرىپ كەتىپتى. دەمەك, ءوزىنىڭ ۇيىنە بارماعان. ءبىز ءبارىمىز ءورتتى ءسوندىرىپ جاتقاندا, كۇيەۋ بالا جاي عانا قاراپ تۇردى. ءورتتى سوندىرۋگە ارالاسقان جوق. جانە سارايدا ەشكىمنىڭ جوق ەكەنىن ايتتى. ءبىز جەرلەۋگە دايىنداالىپ جاتقاندا, ول جوق بولىپ كەتتى. تەلەفونىن ءوشىرىپ تاستاپتى. ەندى وسىنىڭ ءبارى كۇدىك شاقىراتىنىن پوليتسەيگە ايتسام, سوزىمە قۇلاق تۇرمەيدى. ول كارينا تۇتىنگە تۇنشىعىپ ولگەن دەپ وتىر. زورلاپ ءولتىرۋدىڭ بەلگىسى جوق دەيدى».
سۇلتان بوزايعىر.
