ايماقتار • 10 شىلدە، 2020

بيىلعى 6 ايدا ەلىمىزدىڭ تەڭىز پورتتارىندا 3 ملن. توننا جۇك تيەلدى

1 رەت كورسەتىلدى

وسى جىلدىڭ ءبىرىنشى جارتىجىلدىعىندا ەلىمىزدىڭ تەڭىز پورتتارى ارقىلى 3 ملن. توننا جۇك اۋىستىرىپ تيەلدى. بۇل - وتكەن جىلدىڭ وسى كەزەڭىندەگى كورسەتكىشكە تەڭ، - دەپ حابارلايدى Egemen.kz  

وسى رەتتە تەڭىز پورتتارىندا جۇك تاسيتىن اۆتوكولىك قۇرالدارىن اۋىستىرىپ تيەۋ كولەمى 53 % ارتقان. ياعني، ول كورسەتكىش 2019 جىلدىڭ العاشقى 6 ايىندا 3171 بولسا، بيىل 4865-كە جەتتى. 

سونداي-اق، كونتەينەرلەردى اۋىستىرىپ تيەۋدە وڭ ديناميكا بايقالدى. بۇل كورسەتكىش 16 % ءوسىپ، 13 867 بىرلىكتى قۇرادى.

ەسەپتى كەزەڭدە وتاندىق ساۋدا فلوتىمەن كاسپي تەڭىزىندەگى پورتتار اراسىندا 1،14 ملن.توننا جۇك تاسىمالداندى. ونىڭ ىشىندە 6 538  كونتەينەر اقتاۋ – باكۋ فيدەر جەلىسىنىڭ ۇلەسىندە. 

بيىل ءبىرىنشى جارتىجىلدىقتىڭ قورىتىندىسى بويىنشا ىشكى سۋ جولدارى بويىنشا تاسىمالداۋ كولەمى 191،5 مىڭ توننانى قۇراپ، 2019 جىلعى كورسەتكىشتەن 7،8% ءوستى. ونىڭ ىشىندە 97،9 مىڭ توننا رەسەي باعىتىندا.

شليۋزدەردى كۇردەلى جوندەۋ شەڭبەرىندە اۋدانى 5 813 م2 تەمىر-بەتون قۇرىلىمدارىنا جوندەۋ جۇرگىزىلدى.

كاسپي باعىتىنداعى الەۋەتتى ودان ءارى ارتتىرۋ شەڭبەرىندە جاڭا تەڭىز باعىتتارىن اشۋ، اقتاۋ تەڭىز پورتىندا كونتەينەرلىك  حاب قۇرۋ، ەكسپورتتىق جۇكتەردىڭ ءبىر بولىگىن قۇرىق پورتىنا قايتا باعدارلاۋ پىسىقتالىپ جاتىر.

سونداي-اق، كەمە قاتىناسى تۋرالى كەلىسىمدى جانە سۋعا باتقان كەمەلەردى كوتەرۋ جونىندەگى نايروبي كونۆەنتسياسىن راتيفيكاتسيالاۋ بويىنشا مەملەكەتىشىلىك راسىمدەردى اياقتاۋ جوسپارلانىپ وتىر. 

ىشكى سۋ جولدارىندا كەمە قاتىناسىن دامىتۋ ماقساتىندا قازىرگى ۋاقىتتا ءتيىستى تۇجىرىمدامانى ازىرلەۋ بويىنشا جۇمىستار جۇرگىزىلۋدە.

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار