الەم • 10 شىلدە، 2020

بۇۇ 2020 جىلى الەمدىك ينۆەستيتسيالار تۋرالى بايانداما تانىستىردى

6 رەت كورسەتىلدى

2020 جىلعى 9 شىلدەدە "KAZAKH INVEST" ۇك" اق وكىلى بىرىككەن ۇلتتار ۇيىمىنىڭ ساۋدا جانە دامۋ جونىندەگى كونفەرەنتسياسى (UNCTAD) دايىنداعان الەمدىك ينۆەستيتسيالار تۋرالى باياندامانىڭ 30-شى مەرەيتويلىق باسىلىمىنىڭ تۇساۋكەسەرىنە قاتىستى، - دەپ حابارلايدى Egemen.kz

ينۆەستيتسيالار تارتۋ جونىندەگى اگەنتتىكتەردىڭ دۇنيەجۇزىلىك قاۋىمداستىعى (WAIPA) ۇيىمداستىرعان جوعارىدا اتالعان ءىس-شارا الەمنىڭ ونداعان ەلىنەن ينۆەستيتسيالىق ۇيىمداردىڭ باسشىلارىن جينادى.

UNCTAD ينۆەستيتسيالار جانە كاسىپكەرلىك جونىندەگى ديرەكتورى دجەيمس جاننىڭ "پاندەميادان تىس حالىقارالىق ءوندىرىس" بايانداماسىنىڭ نەگىزگى تاقىرىپتارى COVID-19 پاندەمياسىنىڭ جاھاندىق ەكونوميكالىق پروتسەستەرگە جانە الەمنىڭ جەكەلەگەن وڭىرلەرىنە، اتاپ ايتقاندا ءجىو مەن ينۆەستيتسيالاردىڭ سەرپىنىنە، ۇكىمەتتەردىڭ داعدارىسقا قارسى شارالارىنا، سونداي-اق جاقىن بولاشاقتا ينۆەستيتسيالار تارتۋ سالاسىنداعى ساياساتتى ايقىندايتىن ترەندتەرگە اسەرى بولدى. وندىرىستىك-وتكىزۋ تىزبەكتەرى وڭتايلاندىرىلاتىن بولادى، بۇل كوپتەگەن جاعدايلاردا قوسىلعان قۇنى جوعارى تاۋارلار مەن قىزمەتتەردى قۇرا وتىرىپ، ولاردى وڭىرلەندىرۋگە اكەلەدى. ول سونداي-اق مەملەكەتتەر بۇۇ-نىڭ تۇراقتى دامۋ ماقساتتارى مەن جاڭا بولمىسىن ەسكەرە وتىرىپ، جاڭا تاسىلدەردى قالىپتاستىرۋ جانە جاڭا دامۋ ستراتەگياسىن ازىرلەۋ قاجەتتىگىن اتاپ ءوتتى.

ءوز سوزىندە WAIPA باس ديرەكتورى بوستدجان سكالار اعىمداعى ەكونوميكالىق داعدارىس بارىسىندا رەتسەسسيامەن جانە ينۆەستيتسيالىق اعىندار ءۇشىن باسەكەلەستىكتىڭ ارتۋىمەن قاتار ينۆەستيتسيالار تارتۋ اگەنتتىكتەرىنىڭ (يتا) ءرولى تەك ارتا تۇسەتىندىگىن اتاپ ءوتتى. وسىعان بايلانىستى، مەملەكەتتەرگە وزدەرىنىڭ اگەنتتىكتەرىن، ونىڭ ىشىندە ولاردى قارجىلاندىرۋدى ۇلعايتۋ جولىمەن كۇشەيتۋ مۇمكىندىگىن قاراستىرۋ ماعىناسى بار. سونىمەن قاتار، WAIPA قاتىسۋشى ەلدەردىڭ ۇكىمەتتەرىنە جىبەرىلەتىن الەمدىك ەكونوميكانى قالپىنا كەلتىرۋدەگى اپي ماڭىزدىلىعى تۋرالى ارنايى دەكلاراتسيا دايىندايدى.

حالىقارالىق قاتىسۋشىلارمەن پىكىرتالاستىڭ لەيتموتيۆى ەكونوميكالىق داعدارىس جاعدايىندا ينۆەستيتسيالىق ىلگەرىلەۋدىڭ ءتۇرلى ستراتەگيالارىن تالقىلاۋ بولدى. تالقىلاۋ بارىسىندا "KAZAKH INVEST" ۇك" اق باسقارما توراعاسىنىڭ ستراتەگيالىق ينۆەستيتسيالىق جوبالار بويىنشا كەڭەسشىسى جاندوس تەمىرعالي ءىس-شاراعا قاتىسۋشىلاردى قازاقستاننىڭ الدىندا ونەركاسىپتىڭ جوعارى تەحنولوگيالىق قايتا وڭدەۋ سالالارىن دامىتۋ ارقىلى، سونىڭ ىشىندە شەتەل ينۆەستيتسيالارىنىڭ كومەگىمەن ەكونوميكانى ودان ءارى ءارتاراپتاندىرۋ بويىنشا اۋقىمدى مىندەتتەر تۇراتىندىعى تۋرالى حاباردار ەتتى. قازاقستاندا نەگىزگى ينۆەستيتسيالىق جوبالاردىڭ ساقتالۋىنا سالالىق قولداۋ شارالارىن، پاكەتتىك ينۆەستيتسيالىق ۇسىنىستاردى، بارلىق دەڭگەيلەردەگى ۇزدىكسىز قولداۋدى، جەكە كوزقاراستى، سونداي-اق تولىق تسيفرلىق ترانسفورماتسيانى قوسا العاندا، ينۆەستيتسيالىق جوبالاردى جاڭا جاعدايلاردا ىلگەرىلەتۋ بويىنشا KAZAKH INVEST ىقپال ەتتى.

UNCTAD باعالاۋىنا سايكەس، 2020 جىلى تىكەلەي شەتەلدىك ينۆەستيتسيالاردىڭ (تشي) جاھاندىق اعىنى COVID-19 پاندەمياسىنىڭ جالعاسۋىنان تۋىنداعان دۇنيەجۇزىلىك ەكونوميكالىق داعدارىستىڭ ەلەۋلى ىقپالىندا بولادى. تشي-ءدىڭ الەمدىك كولەمى 2019 جىلعى دەڭگەيدەن $1،5 ترلن-نان 2020 جىلدىڭ ناتيجەلەرى بويىنشا $1 ترلن-دان تومەن دەڭگەيگە دەيىن كۇرت قىسقارادى دەپ كۇتىلۋدە.

سونىمەن قاتار، داعدارىس حالىقارالىق ءوندىرىستىڭ الداعى ونجىلدىقتا ورنىقتىلىقتى ارتتىرۋ مۇمكىندىگىمەن قۇرىلىمدىق ترانسفورماتسيالاۋ پروتسەسىنىڭ كاتاليزاتورى بولۋى مۇمكىن. تىعىز حالىقارالىق ىنتىماقتاستىق شەشۋشى مانگە يە بولادى، ال تۇراقتى دامۋ ترانسشەكارالىق ينۆەستيتسيالارعا ىقپال ەتەتىن جاھاندىق ساياسي جاعدايعا بايلانىستى بولادى.

 بىرىككەن ۇلتتار ۇيىمىنىڭ ساۋدا جانە دامۋ جونىندەگى كونفەرەنتسياسى (UNCTAD) بۇۇ باس اسسامبلەياسىنىڭ ساۋدا جانە ينۆەستيتسيالار سالاسىنداعى باستى ورگانى بولىپ تابىلادى. شتاب-پاتەرى جەنەۆا قالاسىندا (شۆەيتساريا) ورنالاسقان. بۇۇ جۇيەسىندە UNCTAD ساۋدا، قارجى، تەحنولوگيا، ينۆەستيتسيالار جانە تۇراقتى دامۋ پروبلەمالارى جانە ساباقتاس ماسەلەلەر جونىندەگى ۇيلەستىرۋ ورتالىعى ءرولىن اتقارادى. ۇيىمنىڭ نەگىزگى مىندەتتەرى قازىرگى زامانعى حالىقارالىق ەكونوميكالىق قاتىناستاردىڭ ۇسىنىستارىن، قاعيداتتارىن، ۇيىمدىق-قۇقىقتىق شارتتارىن جانە جۇمىس ىستەۋ تەتىكتەرىن ازىرلەۋ ارقىلى الەمدىك ەكونوميكانىڭ دامۋىنا جاردەمدەسۋ بولىپ تابىلادى. ۇيىم ساياساتتى زەرتتەۋ جانە تالداۋ، ۇكىمەتارالىق كەڭەستەر جۇرگىزەدى، ازاماتتىق قوعام جانە كاسىپكەرلىك سەكتورمەن تەحنيكالىق ىنتىماقتاستىق پەن ءوزارا ءىس-قيمىلدى جۇزەگە اسىرادى.

 

 

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار