ۇكىمەت • 10 شىلدە، 2020

ۇكىمەت 2020 جىلدىڭ ءبىرىنشى جارتىجىلدىعىنداعى الەۋمەتتىك-ەكونوميكالىق دامۋ قورىتىندىسىن شىعاردى

37 رەت كورسەتىلدى

قر پرەزيدەنتى قاسىم-جومارت توقاەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا قر پرەمەر-ءمينيسترى اسقار مامين ەلىمىزدىڭ 2020 جىلدىڭ ءبىرىنشى جارتىجىلدىعىنداعى الەۋمەتتىك-ەكونوميكالىق دامۋ قورىتىندىسى جانە ەكونوميكانى ودان ءارى دامىتۋ بويىنشا قابىلدانىپ جاتقان شارالار تۋرالى باياندادى، - دەپ حابارلايدى Egemen.kz قر پرەمەر-ءمينيسترىنىڭ ءباسپاسوز قىزمەتىنە سىلتەمە جاساپ. 

ۇكىمەت باسشىسى جاھاندىق تەرىس ىقپالداردىڭ اياسىندا بيىل ءبىرىنشى جارتىجىلدىقتا قازاقستاننىڭ ءجىو 1،8%-عا تومەندەگەنىن اتاپ ءوتتى. بۇل رەتتە ەكونوميكانىڭ ناقتى سەكتورىندا تۇراقتى ءوسىم بايقالعان. تاۋارلار ءوندىرىسى 4،1%-عا وسكەن. 

نەگىزگى درايۆەرلەر قۇرىلىس (+11،2%) جانە وڭدەۋ ونەركاسىبى (+4،8%) بولدى، ولاردىڭ ءوسىمى اۆتوموبيل جاساۋ (46%)، فارماتسەۆتيكا (24%)، دايىن مەتالل ونىمدەرىن ءوندىرۋ (20%)، جەڭىل ونەركاسىپ (8%)، رەزينا جانە پلاستماسسا بۇيىمدارىنىڭ (8%) جانە قاعاز ءوندىرىسى (15%) ەسەبىنەن قامتاماسىز ەتىلدى.  سونىمەن قاتار تاۋ-كەن ءوندىرىسى ونەركاسىبىندە (2،2%) وڭ ديناميكا بايقالدى. ەلىمىز بويىنشا تۇرعىن ۇيلەردى پايدالانۋعا بەرۋ 7،3%-عا ءوستى. دەگەنمەن، توتەنشە جاعداي رەجيمى مەن كارانتيندىك شەكتەۋ شارالارىن ەنگىزۋ اياسىندا بيىلعى 6 ايدا قىزمەت كورسەتۋ سەكتورىندا 5،6%-عا تومەندەۋ بايقالعان. جىلدىق ينفلياتسيا 7% قۇرادى. 

ەلىمىز بويىنشا الەۋمەتتىك-ەكونوميكالىق دامۋدىڭ بارلىق نەگىزگى كورسەتكىشتەرى بويىنشا ورتاشادان جوعارى دەڭگەيدەگى ءوسىم قاراعاندى، سولتۇستىك قازاقستان وبلىستارىندا قامتاماسىز ەتىلدى. قوستاناي، الماتى، جامبىل، اقمولا، شىعىس قازاقستان وبلىستارىندا، سونداي-اق نۇر-سۇلتان جانە الماتى قالالارىندا بارلىق نەگىزگى كورسەتكىشتەردىڭ وڭ ەكەنى بايقالدى، باتىس قازاقستان، تۇركىستان جانە اقتوبە وبلىستارىندا، سونداي-اق شىمكەنت قالاسىندا جەكەلەگەن كورسەتكىشتەردىڭ تەرىس ەكەنى بايقالدى. قىزىلوردا، اتىراۋ، پاۆلودار جانە ماڭعىستاۋ وبلىستارى كوپتەگەن كورسەتكىشتەر بويىنشا ورتاشا رەسپۋبليكالىق دەڭگەيدەن ارتتا قالعان.  

"قازىرگى كەزدە ۇكىمەتتىڭ نەگىزگى مىندەتى – كوروناۆيرۋس ىندەتىنىڭ جانە جاھاندىق داعدارىستىڭ تەرىس سالدارىن جويۋ، ەلىمىزدە جۇمىسپەن قامتۋدى قولداۋ. وسى ماقساتتا اۋقىمدى شارالار قابىلدانىپ جاتىر"، — دەدى ا. مامين.

ۇكىمەت باسشىسى توتەنشە جاعداي كەزەڭىندە ەكونوميكانى تۇراقتاندىرۋ جانە تۇرعىنداردى قولداۋ بويىنشا جەدەل جانە شۇعىل شارالاردىڭ 2 توپتاماسى (بيىلعى 23 جانە 30 ناۋرىزدا) قابىلدانعانىن اتاپ ايتتى. 2020 جىلدىڭ سوڭىنا دەيىن ەكونوميكالىق ءوسىمدى قالپىنا كەلتىرۋ جونىندەگى كەشەندى جوسپار اياسىندا تۇرعىنداردىڭ ىسكەرلىك بەلسەندىلىگىن ىنتالاندىرۋعا، جۇمىسپەن قامتۋدى جانە تابىسىن قولداۋعا باعىتتالعان ناقتى سالالىق شارالار ىسكە اسىرىلۋدا. جاڭا رەداكتسياسىندا 2025 جىلعا دەيىنگى ستراتەگيالىق جوسپاردى ازىرلەۋ جۇمىسى جۇرگىزىلۋدە، ول ەلىمىزدىڭ ورتاشا مەرزىمدى پەرسپەكتيۆاعا ارنالعان جاڭا ەكونوميكالىق باعىتىنىڭ نەگىزگى باعدارلارىن ايقىندايدى.

جۇمىسپەن قامتۋدىڭ جول كارتاسى مەن مەملەكەتتىك باعدارلامالاردى جۇزەگە اسىرۋ اياسىندا جۇمىسپەن قامتۋدى قالىپتاستىرۋ شارالارىمەن 1،2 ملن-نان استام ازامات قامتىلدى. جۇمىسپەن قامتۋدىڭ جاڭا جول كارتاسى بويىنشا 6،5 مىڭ جوبانىڭ 6،1 مىڭنان استامى ىسكە اسىرىلا باستادى، 146 مىڭ ادام جۇمىسقا ورنالاستىرىلدى. 5،5 مىڭ شاقىرىم رەسپۋبليكالىق جانە 4 مىڭ شاقىرىم جەرگىلىكتى جولداردىڭ قۇرىلىسى مەن رەكونسترۋكتسياسى جۇرگىزىلۋدە. وسى جىلدىڭ 6 ايىندا 800 شاقىرىم سۋمەن جابدىقتاۋ جانە سۋ بۇرۋ جەلىلەرى رەكونسترۋكتسيالاندى، 13،7 ملرد تەڭگە سوماسىنا وڭىرلەردى گازداندىرۋ بويىنشا 21 جوبا ىسكە اسىرىلىپ جاتىر.

يندۋستريالاندىرۋ كارتاسى اياسىندا بيىل وتىن-ەنەرگەتيكا جانە اگروونەركاسىپتىك كەشەندەردە، مەتاللۋرگيا، حيميا جانە جەڭىل ونەركاسىپتە، قۇرىلىس يندۋسترياسىندا، ماشينا جاساۋ جانە فارماتسەۆتيكا سالالارىندا 1،1 ترلن تەڭگە سوماسىنا 160 جوبا جۇزەگە اسىرىلادى.

جارتىجىلدىقتىڭ قورىتىندىسى بويىنشا اۋىل شارۋاشىلىعى سالاسىنداعى نەگىزگى كاپيتالعا سالىنعان ينۆەستيتسيا كولەمى وتكەن جىلدىڭ سايكەس كەزەڭىمەن سالىستىرعاندا 19%-عا 232 ملرد تەڭگەگە دەيىن، قايتا وڭدەۋگە 16،6%-عا 40 ملرد تەڭگەگە دەيىن ءوستى. وسى جىلى اۋىل شارۋاشىلىعى داقىلدارىنىڭ جالپى ەگىس كولەمى 22،5 ملن گەكتارعا دەيىن جەتكىزىلدى. بيىلعى 6 ايدا اۋىل شارۋاشىلىعى ونىمدەرىنىڭ ناقتى كولەمىندەگى ەكسپورتى 14،9%-عا، 4،7 ملن توننادان 5،4 ملن تونناعا دەيىن ارتتى. سۋمەن قامتاماسىز ەتۋدى ارتتىرۋ جانە قالپىنا كەلتىرۋ جوبالارىن ىسكە اسىرۋدىڭ ناتيجەسىندە سۋارمالى جەرلەردىڭ جالپى كولەمى 2020 جىلعى 1،5 ملن گا-دان 2022 جىلى 2 ملن گا-عا دەيىن ۇلعايادى.

قازاقستاننىڭ جاھاندىق داتا-حاب رەتىندە دامۋى اياسىندا 110 ملرد تەڭگەدەن استام تارتىلعان ينۆەستيتسيالارمەن 32 ءداستۇرلى جانە 17 ءىرى تاۋ-كەن دەرەكتەردى وڭدەۋ ورتالىعى سالىندى. 2024 جىلعا دەيىن 633 ملرد تەڭگەگە قوسىمشا ينۆەستيتسيا تارتۋ جانە 2000 جاڭا جۇمىس ورنىن اشۋ كوزدەلگەن.

پرەمەر-مينيستر ۇكىمەت بيزنەسكە سالىقتىق جۇكتەمەنى جەڭىلدەتۋمەن جانە بيۋدجەت شىعىستارىن ەكونوميكالىق بەلسەندىلىكتى قولداۋعا باعىتتاي وتىرىپ، كونترتسيكلدى ماكروەكونوميكالىق ساياساتتى ىسكە اسىرۋدى جالعاستىراتىنىن اتاپ ءوتتى. ادامي كاپيتالدى دامىتۋ، ينستيتۋتسيونالدىق رەفورمالاردى ىسكە اسىرۋ جونىندەگى جۇمىستار جالعاستىرىلادى، تىكەلەي شەتەلدىك ينۆەستيتسيالاردى جاپپاي تارتۋ جانە تسيفرلىق ينفراقۇرىلىمدى دامىتۋ ءۇشىن جاعدايلار جاسالادى.

"ۇكىمەت ەكونوميكانى تۇراقتاندىرۋ، جۇمىسپەن قامتۋ دەڭگەيىنىڭ تۇراقتىلىعىن قامتاماسىز ەتۋ جانە حالىقتىڭ تابىسىن قولداۋ جونىندەگى مىندەتتەردى شەشۋگە باعىتتالعان بارلىق قاجەتتى شارالاردى قابىلدايدى"، — دەدى ا. مامين.

سوڭعى جاڭالىقتار

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ەگىنگە وراق ەرتە ءتۇستى

قوعام • بۇگىن، 06:33

جەزقازعانعا گاز جەتكەندە...

ەكونوميكا • بۇگىن، 06:31

«ينتەر» – جارتىلاي فينالدا!

سپورت • بۇگىن، 02:50

ۇقساس جاڭالىقتار