"وسى جىلدىڭ ماۋسىم ايىندا جىلدىق ينفلياتسيا 7% جەتتى. ەكونوميكاداعى پروبلەمالاردى ەسكەرە وتىرىپ, جىلدىق ينفلياتسيانىڭ ماقساتتى ءدالىزى 9-11% دەڭگەيىنە كەلتىرىلدى.
سونىمەن بىرگە, اناعۇرلىم ءتيىمدى اقشا-كرەديت ساياساتىن جۇرگىزۋ ارقىلى ينفلياتسيانىڭ 8-8,5% شەگىندە ساقتالۋىن قامتاماسىز ەتۋ قاجەت دەپ سانايمىن.
قارجى جۇيەسىنىڭ تۇراقتىلىعى ماڭىزدى ماسەلە بولىپ تابىلادى. ۇلتتىق بانك قارجى جۇيەسىن ايتارلىقتاي تۇراقتى دەپ سانايدى. الايدا, ءوسۋ تۇتىنۋشىلىق نەسيەلەۋ سالاسىندا, ەكونوميكانىڭ ناقتى سەكتورىنا بەرىلگەن نەسيەلەر ءوسىپ جاتقان جوق.
مەن اگەنتتىككە جانە ۇلتتىق بانككە بيزنەس ءۇشىن نەسيەگە قول جەتىمدىلىكتى ارتتىرۋ تۋرالى تاپسىرما بەردىم.
ۇكىمەت ۇلتتىق بانكپەن بىرگە حالىقارالىق يندەكستەرگە قوسىلا وتىرىپ, مەملەكەتتىك باعالى قاعازدار نارىعىن دامىتۋ جۇمىستارىن جانداندىرۋى قاجەت.
بۇل شەتەلدىك ينۆەستورلار ءۇشىن تەڭگە اكتيۆتەرىنىڭ تارتىمدىلىعىن ارتتىرادى, قارىز الۋ قۇنىن تومەندەتەدى جانە قارجى نارىعىنىڭ دامۋىنا سەرپىن بەرەدى", - دەدى پرەزيدەنت.
