مەديتسينا • 10 شىلدە، 2020

ەلوردادا مەديتسينالىق بەتپەردەلەر شىعاراتىن جاڭا كاسىپورىن اشىلدى

35 رەت كورسەتىلدى

نۇر-سۇلتان قالاسىندا مەديتسينالىق بەتپەردە شىعارۋمەن اينالىساتىن "Bioniسk-Pro" ءوندىرىس وشاعى اشىلدى.  ونەركاسىپتىڭ اشىلعانىنا نەبارى ەكى اپتا بولدى. وسى كۇنگە دەيىن 1 ملن-نان استام بەتپەردە شىعارىلعان. بۇل تۋرالى يدم ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

ءوندىرىس ورنىنىڭ ديرەكتورى ارون قادىروۆتىڭ ايتۋىنشا، ونەركاسىپ تاۋلىگىنە 180 000 دانا بەتپەردە شىعارا الادى. قازىرگى تاڭدا سۇرانىسقا سايكەس، تاۋلىگىنە 80 000 – 120 000 دەيىن مەديتسينالىق بەتپەردە وندىرىلۋدە. بۇل بەتپەردەلەردى قالانىڭ ءدارىحانالارى مەن ەمحانالارىنا جەتكىزەدى.

بەتپەردە ءوندىرىسى اۆتوماتتاندىرىلعان جانە جارتىلاي اۆتوماتتاندىرىلعان ەكى ستانوك ارقىلى جۇرگىزىلەدى. ءبىرىنشى ستانوك ءۇش ماتانى بىرىكتىرىپ، ۇتىكتەپ، ءۇش رەت بۇكتەپ، جيەكتەرىنە تىگىس سالادى. كەلەسى ستانوكتا بەتپەردەلەر ارنايى ولشەممەن كەسىلىپ، قۇلاققا تاعاتىن رەزەڭكەسى جەلىمدەلەدى. ودان كەيىن ماماندار بەتپەردەلەردى تەكسەرىپ، ساناپ، ارنايى قاپتامالارعا 50 دانادان سالىپ وتىرادى.

بەتپەردە وندىرىسىنە ارنالعان ماتالار مەن رەزەڭكەلەر تۇركيا مەن يراننان جەتكىزىلەدى. ال ستانوكتار قىتايدان ساتىپ الىندى. ونەركاسىپ وشاعىنىڭى ماماندارى شانحاي جانە گۋانچجوۋ قالالارىنا بارىپ، وسى ستانوكتاردا جۇمىس ىستەۋدى ارنايى ۇيرەنىپ كەلدى.

"ماسكالار ارنايى سۋ وتكىزبەيتىن، ساپا باقىلاۋىنان وتكەن ماتالاردان جاسالادى جانە مىندەتتى تۇردە ءۇش قاباتتى بولادى. ايتا كەتۋ كەرەك، ماقتالى، توقىما ماتالاردان تىگىلگەن ماسكالاردىڭ قورعانىش دەڭگەيى تومەن بولادى. جانە مۇنداي ماسكالار سۋلانادى دا، ميكروب جينايدى. سوندىقتان، ارنايى سپانبوند، مەلتبلاۋن دەپ اتالاتىن ماتالاردان دايىندالاتىن ماسكالاردى پايدالانۋ كەرەك. ءبىزدىڭ ۇشقاباتتى ماسكالار وسىنداي ماتالاردان تىگىلەدى جانە 92% سىرتقى كۇشتەردەن تىنىس الۋ جولدارىن قورعاي الادى"، دەيدى ونەركاسىپ ديرەكتورى.

جاقىندا ءوندىرىس ورنى  بالالارعا ارنالعان بەتپەردەلەر شىعارادى. سونىمەن قاتار بەتپەردەلەردى كادەگە جاراتۋ جوباسىن دايىنداپ جاتىر. ءوندىرىس كولەمىن ۇلعايتۋ ءۇشىن FFP2/FFPP3/KN95 رەسپيراتورلارىنىڭ قوسىمشا جەلىلەرىن جەتكىزۋگە كەلىسىمشارتتار جاسالدى.

مەكەن-جايى: نۇر-سۇلتان ق.، اقبيداي ك-ءسى 4/6

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار