مۇندا دا اۋرۋحانالار ناۋقاستارعا لىق تولى. كوروناۆيرۋس كۇنىنە 300-350 ادامنان تابىلىپ جاتىر. جۇقتىرعانداردىڭ تاۋلىكتىڭ سانى مىڭعا جەتەتىن بولسا, ەلدىڭ مەديتسينا جۇيەسى كۇيرەۋى مۇمكىن. تاعى ءبىر ايتا كەتەتىن جايت, وزبەكستاندا كارانتين ەرتەڭ قايتا كۇشىنە ەنىپ, تامىزدىڭ 1-نە دەيىن جالعاسادى.
بۇنداي جاعداي بوليۆيا استاناسىندا, يسپانيانىڭ كاتالونياسىندا, اقش-تىڭ فلوريدا شتاتىندا جانە الەمنىڭ وزگە مەملەكەتتەرى مەن ايماقتارىندا دا بايقالىپ وتىر.
ال سەربيا استاناسى بەلگرادتا سان مىڭ ادام شەرۋگە شىعىپ, كارانتيننىڭ قايتا ەنگىزىلۋىنە نارازىلىق ءبىلدىردى. بيلىك بولسا, شەكتەۋ شارالارىن كۇشەيتۋگە ءماجبۇرمىز دەيدى. ويتكەنى, كوروناۆيرۋس جۇقتىرعاندار كوبەيىپ جاتقاندىقتان, اۋرۋحانالار ولاردى قابىلداپ ۇلگەرە الماي جاتىر.
دەمونستراتسيالار قاقتىعىسقا ۇلاسىپ, 43 پوليتسەي مەن 17 مانيفەستانت جارالاندى
