مەديتسينا • 09 شىلدە، 2020

سولتۇستىكتە جاساندى ءدارى-دارمەك ساتۋدىڭ فاكتىسى انىقتالدى

14 رەت كورسەتىلدى

پەتروپاۆل قالاسىنداعى ءدارىحانالاردىڭ ءبىرىنىڭ اينالىمىنان ەمدىك پرەپاراتتاردىڭ ءبىر مىڭ بەس جۇزگە جۋىق داناسى الىندى. ول ەسىرتكى قىلمىسىنا قارسى ءىس-قيمىل ءبولىمىنىڭ قىزمەتكەرلەرىمەن ءدارىحانا مەكەمەلەرىنە مونيتورينگ جۇرگىزۋ بارىسىندا انىقتالدى، دەپ حابارلايدى Egemen.kz

جاسالۋى كۇماندى پرەپاراتتاردىڭ 458 قورابى "پاراتسەتامول" مەن 83 داناسى "اسپيرين". شىعارىلۋىن راستايتىن قۇجاتتارى جوق بولعان سوڭ وسى ءونىمنىڭ بارلىعى مەديتسينالىق جانە فارماتسەۆتيكالىق قىزمەتتى باقىلاۋ كوميتەتىنىڭ سقو بويىنشا دەپارتامەنتىنە تاپسىرىلدى. اتالعان مەكەمەنىڭ قىزمەتكەرلەرىمەن زاڭنامامەن بەلگىلەنگەن شارالار قابىلدانىپ، الىنعان ءونىمنىڭ كەيىنگى تاعدىرى بەلگىلى بولادى.

قازىرگى ۋاقىتتا پوليتسيا قىزمەتكەرلەرى جانە باسقا دا ۋاكىلەتتى ورگانداردىڭ وكىلدەرى ءدارى-دارمەكتەردىڭ باعاسىن نەگىزسىز كوتەرۋ جانە ولاردى زاڭسىز ساتۋعا بايلانىستى فاكتىلەردى انىقتاۋ بويىنشا ءىس-شارالار جۇرگىزىپ جاتىر. مونيتورينگىلەۋ بارىسىندا سقو پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى سقو بويىنشا ەكونوميكالىق تەرگەۋ دەپارتامەنتى قىزمەتكەرلەرىمەن بىرلەسە وتىرىپ پەتروپاۆل ءدارىحانالارىنىڭ بىرىندە "اسپيرين كارديونىڭ" قىمبات باعامەن ساتىلىپ جاتقانىن دا انىقتادى. وسىنداي فاكتى جاقىندا تاعى ءبىر ءدارىحانادا دا انىقتالعان بولاتىن، وندا ۆيرۋسقا قارسى "ينگاۆيرين" پرەپاراتىن جانە "ازيتروميتسين" انتيبيوتيگىن قىمبات باعامەن ساۋدالاعان.

ء"بىزدىڭ ماقساتىمىز – حالىقتىڭ قاۋىپسىزدىگىن قامتاماسىز ەتۋ. جۇرگىزىلىپ جاتقان پروفيلاكتيكالىق، مونيتورينگتىك ءىس-شارالار، ەڭ الدىمەن، ازاماتتاردىڭ قۇقىقتارى مەن مۇددەلەرىن قورعاۋعا باعىتتالعان. ءدارى-دارمەكتى زاڭسىز ساتۋدىڭ بارلىق فاكتىلەرى، سونداي-اق ءدارىنى قىمبات ساتۋ فاكتىسى بويىنشا دا پوليتسياعا جۇگىنۋ قاجەت. بارلىق فاكتىلەر بويىنشا تەكسەرىس جۇرگىزىلىپ، ءتيىستى شارالار قابىلدانادى"، دەپ اتاپ ءوتتى سقو پوليتسيا دەپارتامەنتىنىڭ باستىعى پوليتسيا پولكوۆنيگى مارات تولەباەۆ.

 

سولتۇستىك قازاقستان وبلىسى

سوڭعى جاڭالىقتار

شىمكەنتتە 5 شاعىناۋدانعا گاز جۇيەسى تارتىلۋدا

وڭتۇستىك قازاقستان • بۇگىن، 16:05

COVID-19: ابدىراعان ارگەنتينا

الەم • بۇگىن، 11:25

ۇقساس جاڭالىقتار