• 12 قازان, 2013

اقتوبە تۇرعىنى «جيناقبانكىسىنەن» 30 ملن. تەڭگە تالاپ ەتتى

273 رەت

كورسەتىلدى

1 مين

وقۋ ءۇشىن

Egemen Qazaqstan

02-10-13-aktobe-nasyrov

اقتوبە قالاسىنىڭ تۇرعىنى ءابدىراشيت ناسىروۆ «رەسەي جيناقبانكى» اق-نىڭ اقتوبەدەگى فيليالىنىڭ ۇستىنەن سوتقا تالاپ-ارىز بەردى. ول ءوزىنىڭ ءاربىر حاتىنا كەلگەن جاۋاپتى 10 ملن. تەڭگەگە باعالاعان. ولار جيناقتالا كەلگەندە, 30 ملن. تەڭگەنى قۇرايدى. بۇل تۋرالى «سۋدەبنىي رەپورتاج» پورتالى جازدى. بيىلعى جازدا ءابدىراشيت ناسىروۆ «رەسەي جيناقبانكى» اق-نىڭ اقتوبەدەگى فيليالىنا ونىڭ قىزمەت كورسەتۋ دەڭگەيى, سانيتارلىق-ەپيدەميولوگيالىق نورماسى, فيليال جەلىسى ءوزىن قاناعاتتاندىرمايتىنىن ايتىپ, ءۇش رەت حات جولدايدى. مەكەمەنىڭ ديرەكتورى سۆەتلانا شاشكوۆا بەلسەندى كليەنتتىڭ ءاربىر حاتىنا وزىنشە كەڭىنەن تۇسىنىكتەمە كەلتىرىپ, مۇقيات جاۋاپ قايتارادى. بىراق بۇل جاۋاپتار حات يەسىنىڭ كوڭىلىنەن شىعا قويمايدى. سوسىن ول وسىلاردى نەگىز ەتىپ, سوتقا تالاپ-ارىز تۇسىرەدى. «مەنىڭ بىردە-ءبىر حاتىما دۇرىس ءمان بەرىلگەن جوق, مەن ولارعا ناقتى دا نەگىزدى جاۋاپ الا المادىم سوندىقتان مەن ولاردىڭ ءاربىرىن ءوزىمدى 10 ملن. تەڭگەگە قورلادى دەپ باعالايمىن», - دەيدى ناسىروۆ ءوز ارەكەتىن تۇسىندىرگەندە. تالاپ ارىز بەرۋشى سونىمەن قاتار, «جيناقبانكى» بانك قىزمەتى دەگەندى جامىلىپ, فەدەرالدى قاۋىپسىزدىك سالاسىندا شپيوندىق ارەكەتتەرمەن اينالىسادى, سوندىقتان ونى جابۋ كەرەك, دەپ ەسەپتەيدى. «ءبىر عانا اقتوبەدە «جيناقبانكىنىڭ» ءتورت بىردەي فيليالى بار. ولارداعى «رەسەي» دەگەن انىقتامانى الىپ تاستادى. بىراق ءبارىبىر ول رەسەيلىك بولىپ قالدى. مەن بۇل بانكىنىڭ ارعى جاعىندا فسب تۇپ دەپ ەسەپتەيمىن. بىزدە شەت ەلدەردىڭ بانكىلەرى بولۋعا ءتيىس ەمەس. ءبىز قازاقستاننىڭ تاۋەلسىزدىگنە شەكتەۋ كەلمەۋى ءۇشىن ءوز ىسىمىزگە شەتەلدىكتەردىڭ ارالاسۋىن توقتاتۋىمىز كەرەكا, - دەيدى تالاپ-ارىز بەرۋشى. سەيىتجان ق ۇلىمباي.