سىبايلاس جەمقورلىققا قارسى قىزمەت ىستەرى اگەنتتىگىنىڭ حابارلاۋىنشا, باۋىرجان مومىش ۇلى اتىنداعى "جاس ۇلان" رەسپۋبليكالىق مەكتەبىنىڭ شەنەۋنىكتەرى زاڭسىز قاراجات الدى دەگەن كۇدىككە ىلىنگەن.
"سىبايلاس جەمقورلىققا قارسى كۇرەس قىزمەتى الماتىداعى باۋىرجان مومىش ۇلى اتىنداعى رەسپۋبليكالىق جاس ۇلان مەكتەبىنىڭ شەنەۋنىكتەرىن تالاپكەردى وقۋعا قابىلداۋ ءۇشىن 1,2 ميلليون تەڭگە كولەمىندە قاراجاتتى زاڭسىز الدى دەگەن كۇدىكپەن ۇستادى", - دەيدى اگەنتتىكتىڭ ەرەكشە جاعدايلار بويىنشا تەرگەۋشىسى قايسار بارجاقسىنوۆ.
"قازىرگى ۋاقىتتا قىلمىستىق ءىس تەرگەۋ ۇستىندە. ءىستىڭ باسقا ءمان-جايلارى تەرگەۋ مۇددەلەرى ءۇشىن جاريا ەتىلمەيدى. قىجك-ءنىڭ 201-بابىنا سايكەس تەرگەۋ مۇددەسىندەگى وزگە دە اقپارات جاريالانۋعا جاتپايدى", - دەپ حابارلادى سىبايلاس جەمقورلىققا قارسى قىزمەتتىڭ وكىلى.
ايتا كەتەيىك, كۇدىكتىلەر كىناسىن تولىق مويىنداعان.
