شىعىس قازاقستان وبلىسى وسكەمەن قالاسى اكىمدىگى ەكونوميكا جانە بيۋدجەتتى جوسپارلاۋ بولىمىنىڭ بۇرىنعى باسشىسى جانەت نۇرلان 500 ميلليون تەڭگە جىمقىرىپ, قاشىپ كەتتى. وسىعان وراي, وسى اپتادا ەكس-شەنەۋنىككە ىزدەۋ جاريالاندى. بۇل تۋرالى «استانا» تەلەارناسى حابارلادى.
بۇرىنعى شەنەۋنىك «نۇرلى كوش» باعدارلاماسىنان شىعىس اۋىلىنىڭ قۇرىلىسىنا بولىنگەن بيۋدجەت اقشاسىن ۇرلاعان ەكەن.
ەستەرىڭىزدە بولسا, بۇعان دەيىن بىرنەشە رەت «كارتون» ۇيلەردە تۇرىپ, اشىنعان ورالماندار تۋرالى كورسەتكەن ەدىك. قارجى پوليتسياسى 2012 جىلى اۋىل قۇرىلىسىنا قاتىستى تەرگەۋ جۇرگىزۋدى باستاعان. دەگەنمەن, كوپ ۇزاماي بۇل پروتسەسس توقتاپ قالدى. اشىنعان تۇرعىندار وسى جىلدىڭ مامىر ايىندا كوتەرىلىسكە شىعىپ, جان ايقايىن ايتقان سوڭ عانا, پروكۋراتۋرا تەرگەۋ امالدارىن باستادى. سودان كەيىن قوماقتى قاراجاتتى قىمقىرىپ كەتكەندەرگە قاتىستى ءىس قايتا كوتەرىلدى.
بەلگىلى بولعانداي, ەكونوميكا جانە بيۋدجەتتى جوسپارلاۋ ءبولىمىنىڭ باسشىسى جانەت نۇرلان «بىسترىي» جاۋاپكەرشىلىگى شەكتەۋلى سەرىكتەستىگىنىڭ قۇرىلتايشىسى قىزمەتىن دە قوسا اتقارعان. ءدال وسى سەرىكتەستىك شىعىس اۋىلىنىڭ قۇرىلىسىمەن اينالىسىپ كەلگەن.
ايتا كەتەيىك, ءتارتىپ ساقشىلارى ءىستىڭ قۇپيالىعى ءۇشىن تەرگەۋ ماتەريالدارىن جاريالاماي وتىر. بەيرەسمي اقپارات كوزدەرىنەن ءمالىم بولعانداي, ەكس-شەنەۋنىك جانەت نۇرلان گەرمانيادا جاسىرىنىپ ءجۇر.
باقىتبەك كەنەش ۇلى.
