ايماقتار • 09 شىلدە، 2020

الماتى وبلىسىنىڭ تۇرعىنى ۇيىندە زاڭسىز ءدارى ساتقان

18 رەت كورسەتىلدى

ءوز ۇيىندە زاڭسىز ءدارىحانا قىزمەتىن ۇيىمداستىرعان الماتى وبلىسىنىڭ تۇرعىنى ۇستالدى، – دەپ حابارلايدى Egemen.kz  ىشكى ىستەر مينيسترلىگىنىڭ ءباسپاسوز قىزمەتىنە سىلتەمە جاساپ. 

جەدەل ىزدەستىرۋ شارالارى بارىسىندا كريمينالدىق پوليتسيا قىزمەتكەرلەرى زاڭسىز ءدارىحانانىڭ قىزمەتىن اشكەرەلەپ، الماتى وبلىسى كەربۇلاق اۋدانىنداعى التىنەمەل اۋىلىنداعى جەكە ۇيلەردىڭ بىرىندە ءدارى-دارمەك ساتىلاتىنىن انىقتاعان. تەرگەۋ بارىسىندا اۋىل تۇرعىنىنىڭ ۇيىندە زاڭعا قايشى قىزمەت كورسەتىلگەن.

قولدان جاسالعان ء“دارىحانا” سورەسىندە ءدارى-دارمەكتىڭ كەز-كەلگەن ءتۇرىن تابۋعا بولاتىنى بەلگىلى بولدى. زاڭسىز ءدارىحانا قىزمەتىن اۋىل تۇرعىنى، ايەل ۇيىمداستىرعان. بۇل قىزمەتپەن اينالىسۋعا ونىڭ ليتسەنزياسى مەن رۇقسات قۇجاتتارى بولماعان، ياعني مەديتسينالىق قىزمەت كورسەتۋگە ەش قۇقىعى جوق ەكەنى انىقتالدى.

الىپساتار ايەل اۋدانداعى ءدارىحانالاردىڭ بىرىنەن دارىلەردى ساتىپ الىپ، ءوزى باعا قويىپ، اۋىل تۇرعىندارىنا ساتىپ وتىرعان.ء تارتىپ ساقشىلارى تەكسەرۋ بارىسىندا ساۋداگەردىڭ بۇعان دەيىن قوراپتارمەن ساتىپ العان 60 جۋىق ءدارى-دارمەكتىڭ ءتۇرىن تاركىلەدى. 

قازىرگى ۋاقىتتا تەرگەۋ جالعاسۋدا. اتالعان دەرەك بويىنشا ءتيىستى شارالار قابىلدانىپ، كىنالىلەر قولدانىستاعى زاڭناما تالاپتارىنا سايكەس جاۋاپكەرشىلىككە تارتىلادى.

سوڭعى جاڭالىقتار

ۇقساس جاڭالىقتار