2013 جىلعى 24 قىركۇيەك استانا, ۇكىمەت ءۇيى
«پارنيكتىك گازدار شىعارىندىلارىنا كۆوتالاردى وزگەرتۋ جانە سەرتيفيكاتتى قايتا رەسىمدەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 7 مامىرداعى №585 قاۋلىسىنا وزگەرىستەر مەن تولىقتىرۋ ەنگىزۋ تۋرالى
2013 جىلعى 24 قىركۇيەك استانا, ۇكىمەت ءۇيى
«پارنيكتىك گازدار شىعارىندىلارىنا كۆوتالاردى وزگەرتۋ جانە سەرتيفيكاتتى قايتا رەسىمدەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 7 مامىرداعى №585 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «پارنيكتىك گازدار شىعارىندىلارىنا كۆوتالاردى وزگەرتۋ جانە سەرتيفيكاتتى قايتا رەسىمدەۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 7 مامىرداعى №585 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., №48, 654-قۇجات) مىناداي وزگەرىستەر مەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن پارنيكتىك گازدار شىعارىندىلارىنا كۆوتالاردى وزگەرتۋ جانە سەرتيفيكاتتى قايتا رەسىمدەۋ قاعيدالارىندا:
4, 5-تارماقتار مىناداي رەداكتسيادا جازىلسىن:
«4. وسى قاعيدالاردىڭ 2-تارماعىندا كورسەتىلگەن جاعدايلاردا, تابيعات پايدالانۋشى قورشاعان ورتانى قورعاۋ سالاسىنداعى ۋاكىلەتتى ورگانعا (بۇدان ءارى – ۋاكىلەتتى ورگان) اعىمداعى جىلعى 1 قازانعا دەيىن مىناداي قۇجاتتاردى:
1) ۋاكىلەتتى ورگان بەكىتكەن نىسان بويىنشا ءوتىنىشتى;
2) كۆوتانىڭ وزگەرۋىن نەگىزدەيتىن ەسەپتەردى تاپسىرادى.
5. كۆوتانىڭ ۇلعايۋىنا بايلانىستى پارنيكتىك گازدار شىعارىندىلارىنا كۆوتالاردى قايتا قاراۋ بەلگىلەنگەن بازالىق دەڭگەيدەن ۇلتتىق جوسپاردىڭ قولدانىلۋ مەرزىمى اياقتالعانعا دەيىنگى كەزەڭدە جۇرگىزىلگەن وزگەرتۋلەر بويىنشا قارالادى.»;
6-تارماق الىنىپ تاستالسىن;
مىناداي مازمۇنداعى 8-1-تارماقپەن تولىقتىرىلسىن:
«8-1. ۋاكىلەتتى ورگانعا ۇسىنىلعان ماتەريالداردىڭ تولىق ەمەستىگى جانە دايەكسىزدىگى كۆوتانى وزگەرتۋدەن باس تارتۋ ءۇشىن نەگىز بولىپ تابىلادى.»;
9-تارماقتىڭ 2) تارماقشاسى مىناداي رەداكتسيادا جازىلسىن:
«2) قىزمەتتى الۋشىنىڭ زاڭدى تۇلعاسىن مەملەكەتتىك تىركەۋ (قايتا تىركەۋ) تۋرالى كۋالىكتىڭ * نەمەسە انىقتامانىڭ كوشىرمەسى.
ەسكەرتپە: * «قازاقستان رەسپۋبليكاسىنىڭ كەيبىر زاڭنامالىق اكتىلەرىنە زاڭدى تۇلعالاردى مەملەكەتتىك تىركەۋ جانە فيليالدار مەن وكىلدىكتەردى ەسەپتىك تىركەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2012 جىلعى 24 جەلتوقسانداعى قازاقستان رەسپۋبليكاسىنىڭ زاڭى قولدانىسقا ەنگىزىلگەنگە دەيىن بەرىلگەن زاڭدى تۇلعانى (فيليالدى, وكىلدىكتى) مەملەكەتتىك (ەسەپتىك) تىركەۋ (قايتا تىركەۋ) تۋرالى كۋالىك زاڭدى تۇلعانىڭ قىزمەتى توقتاتىلعانعا دەيىن جارامدى بولىپ تابىلادى.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
