كەشە پرەمەر-مينيستر سەرىك احمەتوۆتىڭ توراعالىعىمەن مەملەكەت باسشىسىنىڭ ۇستىمىزدەگى جىلدىڭ 11 قازانىندا وتكەن ۇكىمەتتىڭ كەڭەيتىلگەن وتىرىسىندا ايتقان تاپسىرمالارىن جۇزەگە اسىرۋ جونىندەگى شارالار قارالدى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەشە پرەمەر-مينيستر سەرىك احمەتوۆتىڭ توراعالىعىمەن مەملەكەت باسشىسىنىڭ ۇستىمىزدەگى جىلدىڭ 11 قازانىندا وتكەن ۇكىمەتتىڭ كەڭەيتىلگەن وتىرىسىندا ايتقان تاپسىرمالارىن جۇزەگە اسىرۋ جونىندەگى شارالار قارالدى, دەپ حابارلادى پرەمەر-ءمينيستردىڭ ءباسپاسوز قىزمەتى.
ۇكىمەتتىڭ كەڭەيتىلگەن وتىرىسىندا تىڭدالعان الەۋمەتتىك-ەكونوميكالىق دامۋ قورىتىندىلارى بويىنشا مەملەكەت باسشىسى بىرقاتار ماڭىزدى ءمىندەتتەر قويدى. پرەزيدەنت سوزىنەن تۋىندايتىن نەگىزگى ساتتەرگە نازار اۋدارا وتىرىپ, س.احمەتوۆ وسى تاپسىرمالاردى ءتيىمدى جۇزەگە اسىرۋ ءۇشىن مەملەكەتتىك ورگاندار كۇش-جىگەرلەرىن ۇيلەستىرۋ قاجەتتىگىن اتاپ ءوتتى.
بيۋدجەت ساياساتى مەن مەملەكەتتىك ساتىپ الۋلار جۇيەسىن وڭتايلاندىرۋ سالاسىندا ۇكىمەت باسشىسى جىل سوڭىنا دەيىن بارلىق دەڭگەيدەگى ورتالىق مەملەكەتتىك ورگاندار باسشىلارىنىڭ بولىنگەن بيۋدجەت قارجىلارىن, سونىڭ ىشىندە ترانسفەرتتەردى دە بارىنشا يگەرۋدى قامتاماسىز ەتۋى قاجەتتىگىن اتاپ كورسەتتى.
سول سياقتى مەملەكەت باسشىسىنىڭ تاپسىرمالارىن ەسكەرە وتىرىپ, مەملەكەتتىك جانە سالالىق باعدارلامالاردى ينۆەنتاريزاتسيالاۋ جۇمىستارىن جالعاستىرۋ قاجەت, دەي كەلىپ, س.احمەتوۆ بىرقاتار كورسەتكىشتەر بويىنشا ءوسىمدى, سونىڭ ىشىندە ەڭبەك ونىمدىلىگىن قامتاماسىز ەتەتىن باعدارلامالاردى انىقتاۋ قاجەتتىگىن اتادى.
مەملەكەتتىك ساتىپ الۋلار ماسەلەسىنە قاتىستى س.احمەتوۆ قارجى مينيسترلىگىنە مەملەكەت باسشىسىنىڭ تاپسىرمالارىن ەسكەرە وتىرىپ, مۇددەلى مەملەكەتتىك ورگاندارمەن, وڭىرلەر اكىمدەرىمەن بىرلەسىپ, زاڭنامانى جەتىلدىرۋ جونىندە ناقتى ۇسىنىستار ەنگىزۋدى ۇسىندى. سونداي-اق, ول بارلىق تەندەرلىك كوميسسيالاردى ورتالىق مەملەكەتتىك ورگانداردىڭ ءبىرىنشى باسشىلارى مەن وڭىرلەر باسشىلارىنىڭ باسقاراتىنىن اتاپ كورسەتتى.
كاسىپكەرلىكتى دامىتۋ ءجونىندەگى پرەزيدەنت تاپسىرمالارىن ورىنداۋ تۇرعىسىندا ەكونوميكا جانە بيۋدجەتتىك جوسپارلاۋ مينيسترلىگى حولدينگتەرمەن جانە ۇلتتىق كومپانيالارمەن بىرلەسىپ, ولاردى جەكە سەكتورعا بەرە وتىرىپ كۆازيمەملەكەتتىك سۋبەكتىلەردى وڭتايلاندىرۋ جونىندەگى جۇمىستاردى جالعاستىرۋى ءتيىس.
سونداي-اق, ۇكىمەت باسشىسى مەملەكەتتىك يندۋستريالىق ساياساتتى ودان ءارى جۇزەگە اسىرۋ, ارنايى ەكونوميكالىق ايماقتاردىڭ جۇمىس ىستەۋى, پايدالانىلمايتىن جەرلەردى ينۆەنتاريزاتسيالاۋ ماسەلەلەرىنە قاتىستى دا بىرقاتار تاپسىرمالار بەردى.
وڭىرلىك ساياساتتى ودان ءارى دامىتۋ ماسەلەسىنە قاتىستى س.احمەتوۆ وڭىرلىك دامۋ مينيسترلىگى الدىنا مەملەكەتتىك باعدارلامالاردى ينۆەنتاريزاتسيالاۋ شەڭبەرىندە وڭىرلەردى دامىتۋ باعدارلامالارىن جۇزەگە اسىرۋ تيىمدىلىگىنە تالداۋ جاساۋ ءجانە ولاردى وڭتايلاندىرۋ ءجونىندە ۇسىنىستار ەنگىزۋ تۋرالى مىندەت قويدى. ەكونوميكا ءجانە بيۋدجەتتىك جوسپارلاۋ مينيسترلىگى مەن وڭىرلىك دامۋ مينيسترلىگى وڭىرلىك دامۋ سالاسىنداعى وزدەرىنىڭ فۋنكتسيالارى مەن وكىلەتتىكتەرىن قايتا قاراۋ ماسەلەسىن ويلاستىرىپ, ۇكىمەتكە ۇسىنىستار ەنگىزۋى ءتيىس.
بۇتىندەي العاندا وڭىرلىك ساياسات سالاسىنداعى جۇمىستاردىڭ جۇيەلىلىگى مەن ۇيلەستىرىلۋىن وڭىرلىك دامۋ مينيسترلىگى جۇزەگە اسىراتىن بولادى. بۇل ورايدا ەكونوميكا جانە بيۋدجەتتىك جوسپارلاۋ مينيسترلىگىمەن بىرلەسە وتىرىپ قارالاتىن وڭىرلەردى دامىتۋدىڭ بارلىق بيۋدجەتتەرى قالىپتاستىرىلۋى ءتيىس, دەدى س.احمەتوۆ.
الەۋمەتتىك جاڭعىرتۋ سالاسىندا, مەملەكەت باسشىسىنىڭ تاپسىرمالارىن ەسكەرە وتىرىپ, مۇددەلى مەملەكەتتىك ورگاندارعا ءبىلىم بەرۋ, دەنساۋلىق ساقتاۋ جانە الەۋمەتتىك قورعاۋ ماسەلەلەرى بويىنشا ۇسىنىستار ەنگىزۋ تاپسىرىلدى.
س.احمەتوۆ پرەزيدەنت وتكىزگەن كەڭەس قورىتىندىسى بويىنشا بەرىلگەن تاپسىرمالاردى جۇزەگە اسىرۋدا كەشەندى جوسپار ازىرلەۋ جونىندە وكىم بەردى.
سول سياقتى ۇكىمەت باسشىسى وڭىرلەر اكىمدەرىنىڭ نازارىن ەلدى مەكەندەردىڭ الداعى قىسقا دايىندىعى, الەۋمەتتىك ماڭىزدى ازىق-ت ۇلىك باعالارىنىڭ تۇراقتىلىعى جانە جينالعان استىقتىڭ ساقتالۋىن قامتاماسىز ەتۋ ماسەلەلەرىنە اۋداردى.
بۇگىن مەملەكەت باسشىسى تاراپىنان جەتكىلىكتى دارەجەدە اشىق, شىنايى اڭگىمە بولىپ, سىندارلى سىن ايتىلدى, دەي كەلىپ, ءبىز پرەزيدەنت تاپسىرمالارىن ءجۇزەگە اسىرۋ جونىندەگى بارلىق ءىس-شارالاردى كەشەندى جوسپارعا ەنگىزىپ, وسىناۋ ۇلكەن جۇمىسقا كىرىسۋىمىز كەرەك, دەپ تۇيىندەدى ءسوزىن پرەمەر-مينيستر.
