الماتىدا ءمايىتحانا ماڭىنا توپتالعان تۇرعىندارعا قاتىستى تۇسىنىكتەمە بەرىلدى

"قۇرمەتتى قالا تۇرعىندارى، ەڭ الدىمەن، مارقۇمداردىڭ تۋىستارى مەن جاقىندارىنا كوڭىل ايتامىز!"، - دەيدى الماتى قالاسى قوعامدىق دەنساۋلىق باسقارماسىنىڭ شجق “قالالىق پاتولوگواناتوميالىق بيۋرو” كمك ديرەكتورى باقىتجان الىبەكوۆ، - دۇرلىگۋ كەيدە 2-دەن 10 ادامعا دەيىن تۋىستاردىڭ ەرىپ جۇرۋىنە بايلانىستى تۋىندايدى. شىنىندا دا، جاقىنىن جوعالتىپ، اۋىر كۇيدە جۇرگەندىكتەن، بيۋرو قاقپاسىندا دۇربەلەڭ، ۇرەي، ابىرجۋ، ۋ-شۋ ورىن الۋدا”.

ءوز كەزەگىندە قالالىق پاتولوگواناتوميادىق بيۋرو حالىقتى قاۋىپسىزدىك شارالارى مەن كارانتين، سانيتاريالىق-ەپيدەميولوگيالىق تالاپتاردى ساقتاۋعا شاقىرادى.

قايتىس بولعانداردىڭ دەنەسى قالالىق پاتولوگواناتوميالىق بيۋروعا تۇسكەننەن كەيىن 12 ساعات ىشىندە قايتارىلادى. مەديتسينالىق مەكەمە قايتىس بولۋ سەبەپتەرىن انىقتاۋ جانە قايتىس بولعان ادام جايلى سەنىمدى دەرەكتەر بەرۋ ءۇشىن ءمايىتتى اتالمىش ۇيىمعا تاپسىرادى. بۇل قوسىمشا ۋاقىتتى قاجەت ەتەدى.

بارلىق سۇراقتار بويىنشا تۇرعىندار 246-62-70 بايلانىس ءنومىرى ارقىلى اقپارات الا الادى.
“قالالىق پاتولوگواناتوميالىق بيۋرو” مايىتتەردى بەرۋ جونىندە ءموبيلدى توپ ۇيىمداستىردى. بۇل توپ قىزمەتكەرلەرى كارانتين رەجيمىن ساقتاۋ ماقساتىندا كوشەدە (قاقپانىڭ جانىندا) قايتىس بولعان ادامداردىڭ مالىمەتتەرىن سالىستىرىپ، تىركەۋدى جۇزەگە اسىرىپ جاتىر.

"قالا تۇرعىندارىن كوروناۆيرۋس ينفەكتسياسىنىڭ كەزەكتە تۇرعان ادامدار اراسىندا جۇعۋ قاۋپىن بولدىرماۋ ءۇشىن، قاشىقتىقتى، ماسكا تاعۋ رەجيمىن ساقتاۋعا شاقىرامىز. پاتولوگواناتوميالىق بيۋرو قىزمەتكەرلەرى تۋىستارىنا شىعىپ، ءمايىتتى بەرۋ ءتارتىبى تۋرالى حاباردار ەتىپ، ءتۇسىندىرۋ جۇمىستارىن جۇرگىزۋدە” – دەدى الماتى قالاسى قوعامدىق دەنساۋلىق باسقارماسىنىڭ شجق “قالالىق پاتولوگواناتوميالىق بيۋرو” كمك ديرەكتورى باقىتجان الىبەكوۆ.