ءتارتىپ ساقشىلارى جالپى 4,7 مىڭ ءدارى تابلەتكاسىن, 2 مىڭنان استام فلاكون مەن 400 كاپسۋلا, 80 گرادۋسنيك, 26 مىڭنان استام ماسكا مەن 3,5 مىڭ مەديتسينالىق كيىم تۇرلەرىن (حالاتتار, قولعاپتار, باس كيىمدەر, كوزىلدىرىكتەر جانە ت.ب.) تاركىلەدى. جۇرگىزىلگەن ەسەپ بويىنشا, تاركىلەنگەن زاتتاردىڭ جالپى سوماسى 6 ملن تەڭگەدەن اسادى.
6 شىلدە كۇنى جەدەل-پروفيلاكتيكالىق شارا بارىسىندا قوشقارباەۆ كوشەسىندە "تويوتا كامري" اۆتوكولىگىنىڭ 30 جاستاعى جۇرگىزۋشىسى ۇستالدى. ونىڭ جۇك سالعىشىنان "تسەفترياكسون", "تسەفازولين", "سۋلامەد", "ازيتروميتسين", "ينگاۆەرين", "ەۋفيللين", "لەدوكاين" جانە ت.ب. مەديتسينالىق پرەپاراتتاردىڭ ءىرى پارتياسى تابىلدى.
ايىپتتالۋشى ازامات بۇرىن قىلمىستىق جاۋاپكەرشىلىككە تارتىلىپ, ەكى رەت سوتتى بولعانى انىقتالدى. سونداي-اق پوليتسيا قىزمەتكەرلەرى ساۋدا ورتالىعى تۇراعىندا قاجەتتى قۇجاتتارى جوق ءدارى-دارمەكتەردى ساتپاقشى بولعان 30 جاسار ايەلدى ۇستادى. بۇدان باسقا, وڭتۇستىك-شىعىس شاعىن اۋدانىندا باقىلاۋ كەزىندە "لەدوكاين", "ەرگوفەرون", "پاراتسەتامول", "تسەفازولين", "كالەترا" جانە ت.ب. تاپشى دارىلىك پرەپاراتتاردى ساتقانى ءۇشىن 40 جاستاعى ايەل ۇستالدى.
سونىمەن قاتار قالالىق دارىحانالارعا تەكسەرۋ جۇرگىزىلىپ, بىرقاتار ءدارى-دارمەكتەردىڭ باعاسى كوتەرىلگەنى انىقتالدى. نۇر-سۇلتان پوليتسياسى ازاماتتاردان ءدارى-دارمەكتەردى زاڭسىز ساتۋ دەرەكتەرى انىقتالعان جاعدايدا, جاقىن جەردەگى بولىمشەگە نەمەسە 102 نومىرىنە حابارلاسۋدى سۇرايدى.
