بيىل 8 ماماندىق بويىنشا 141 كۋرسانت اسكەري وقۋ ورنىن ءتامامداپ, ولاردىڭ 9-ى ۇزدىك ديپلوممەن ماراپاتتالدى.
رەجباي ءباسپاسوز قىزمەتىنىڭ مالىمەتىنشە, "بۇگىن سىزدەر وفيتسەر پوگونىن تاعىپ, جوعارعى اسكەري وقۋ ورنىن بىتىرگەنى تۋرالى ديپلومعا يە بولدىڭىزدار. ناعىز ەر-ازاماتتارعا ءتان ماماندىقتى تاڭداعان سوڭ نامىس تۋىن بيىكتە ۇستاپ, "قازاقستان اسكەرىنىڭ وفيتسەرى" دەگەن جوعارى اتقا لايىق بولاسىزدار دەگەن سەنىمدەمىن", دەدى اسكەري ينستيتۋت باستىعى گەنەرال-مايور اسقار مۇستابەكوۆ.
جاس لەيتەنانتار وقۋ بارىسىندا جوعارى جەتىستىكتەرگە قول جەتكىزىپ, اتا-انالارىنىڭ ۇمىتتەرىن اقتاۋعا تىرىسىپ باققاندارىن جەتكىزدى.
"اسكەري ينستيتۋت قابىرعاسىندا بولعان 5 جىلدا ءبىلىم مەن دوستىقتىڭ قادىرىنە جەتتىم. ءبىزدىڭ يىعىمىزعا پوگونمەن قوسا ەلىمىز ءۇشىن جاۋاپكەرشىلىك پەن ۇلكەن مىندەت جۇكتەلدى. حالقىمىز بەن ونىڭ پرەزيدەنتى – جوعارعى باس قولباسشىسىنىڭ سەنىمىن اقتايمىز, اقتىق دەمىمىز قالعانشا ادال قىزمەت ەتەمىز", - دەدى وقۋ ۇزدىگى ەرنازار تەمىرعاليەۆ.
اسكەري وقۋ ورنىندا تەك قازاقستاندىقتار عانا ەمەس ۇجىمدىق قاۋىپسىزدىك كەلىسىمى ۇيىمىنىڭ باعدارلاماسى بويىنشا قىرعىزستان مەملەكەتىنىڭ وكىلدەرى دە ءبىلىم الۋدا. بۇگىنگى كۇنگە دەيىن 9 قىرعىزستاندىق كۋرسانت وقىپ بىتىرسە, تاعى 11 كۋرسانت ينستيتۋت قابىرعاسىندا بىلىمدەرىن شىڭداۋدا.
قر قورعانىس مينيسترلىگىنە قاراستى راديوەلەكترونيكا جانە بايلانىس اسكەري-ينجەنەرلىك ينستيتۋتى ورتا ازيا ايماعى بويىنشا راديوتەحنيكالىو ماماندىقتار بويىنشا ماماندار دايىندايتىن جالعىز اسكەري وقۋ ورنى.
