قازاقستان • 04 شىلدە، 2020

ەلباسى باستاماسىمەن 550 000 وتباسىنا 50 000 تەڭگەدەن بەرىلدى

45 رەت كورسەتىلدى

بۇل تۋرالى "Nur Otan" پارتياسى توراعاسىنىڭ ءبىرىنشى ورىنباسارى باۋىرجان بايبەك Instagram جەلىسىندەگى پاراقشاسىندا جازدى، - دەپ حابارلايدى Egemen.kz

"قۇرمەتتى دوستار، بارشاڭىزدى الداعى استانامىز - نۇر-سۇلتان كۇنىمەن قۇتتىقتايمىن! ەلباسىنىڭ تاپسىرماسى بويىنشا #BizBirgemiz اكتسياسىنىڭ ءتورتىنشى كەزەڭى اتقارىلدى. ەلىمىزدىڭ اۋىلدىق ەلدى مەكەندەرىندەگى تاعى 80 مىڭنان استام مۇقتاج وتباسى 50 مىڭ تەڭگەدەن الدى.

ەلباسى نۇرسۇلتان نازارباەۆتىڭ باستاماسىمەن "Birgemiz" قورىنىڭ بىرجولعى قارجىلىق قولداۋىمەن 550 مىڭنان استام وتباسى قامتىلدى. وتباسى مۇشەلەرىن قوسا ەسەپتەگەندە، بۇل – 2 ميلليونداي قازاقستاندىق.

سونىمەن بىرگە تۇرمىسى تومەن 100 مىڭ مۇقتاج وتباسىعا 5 ميلليوننان استام تەگىن ماسكا ۇلەستىرىلدى.

Nur Otan پارتياسى مەن تۇڭعىش پرەزيدەنت قورى جەلىسى بويىنشا 300 مىڭداي وتباسى ازىق-ت ۇلىك سەبەتىن الدى. بۇل ىسكە Jas Otan جاستار قاناتىنىڭ 5 مىڭنان استام ۆولونتەرى اتسالىستى.

نۇروتاندىقتار تۇركىستان وبلىسىنىڭ سۋ باسقان اۋىلدارىنىڭ تۇرعىندارىنا مىڭ توننادان استام گۋمانيتارلىق كومەك جونەلتتى. شىلدە ايىندا دوستىق اۋىلىنىڭ تاسقىننان زارداپ شەككەن تۇرعىندارىنا ارنالعان ۇيلەر سالىنىپ بىتەدى.

كەشە نۇرسۇلتان ءابىش ۇلى قازاقستان حالقىنا ارنالعان ۇندەۋىندە اتاپ كورسەتكەندەي، ء"بىز وتكەرىپ جاتقان كۇردەلى كەزەڭ – بۇكىل ادامزاتتىڭ باسىنا تۇسكەن سىن-سىناق. سىرقاتپەن كۇرەستىڭ ەڭ الدىڭعى شەبىندە جۇرگەن دارىگەرلەر ادامداردى امان الىپ قالۋ ءۇشىن بارلىق كۇشىن جۇمساۋدا. ەلىمىزدىڭ پرەزيدەنتى مەن ۇكىمەتى قالىپتاسقان جاعدايدى تۇزەتۋ ءۇشىن قاجەتتى بارلىق شارانى قابىلداۋدا. الايدا كوپ نارسە وزىمىزگە بايلانىستى. حالقىمىز باسقا تۇسكەن قيىندىقتى ءوزىنىڭ قايرات-جىگەرى، ۇيىمشىلدىعى، بولاشاققا دەگەن ۇمتىلىسى ارقىلى بۇكىل حالىقارالىق قوعامداستىقپەن بىرگە لايىقتى تۇردە ەڭسەرىپ، امان-ەسەن شىعارىنا سەنىمدىمىن. ءبىز تاعى دا جەڭىمپاز بولامىز. ەلىمىزدىڭ جاقسى كۇندەرى الدا. ءبىز بىرگەمىز!"- دەپ جازدى باۋىرجان بايبەك.

سوڭعى جاڭالىقتار

جىل ءسوزى

الەم • كەشە

ۇقساس جاڭالىقتار