ايماقتار • 03 شىلدە، 2020

الماتى: ااك الۋ ءۇشىن قۇزىرلى ورىندارعا قايتا جۇگىنۋدىڭ قاجەتى جوق

129 رەت كورسەتىلدى

مەملەكەت باسشىسىنىڭ شىندىقتى، ادىلەتتىكتى جانە ەڭبەككە ىنتالاندىرۋدى قامتاماسىز ەتۋ ماقساتىنداعى تاپسىرماسىن ورىنداۋ ءۇشىن 2020 جىلدىڭ باسىنان اتاۋلى الەۋمەتتىك كومەك (ااك) كورسەتۋدىڭ جاڭا تەتىگى ەنگىزىلگەنى بەلگىلى. جالپى ااك كورسەتۋدىڭ جاڭا تەتىگى ااك تاعايىنداۋ ءۇشىن توقسان سايىن قۇجاتتاردى قايتا تاپسىرۋدى قاراستىرادى.

اعىمداعى جىلدىڭ ەكىنشى توقسانىندا توتەنشە جاعدايدىڭ ەگىزىلۋىنە بايلانىستى، سونىمەن قاتار كورسەتىلەتىن قىزمەتتى الۋشىمەن تىكەلەي قاتىناستى بولدىرماۋ ماقساتىندا مينيستر بۇيرىعىمەن (2020 جىلدىڭ 25 ناۋرىزىنداعى № 109) 4 222 وتباسىعا (20 974 ادام) ااك تاعايىنداۋ مەرزىمى اۆتوماتتى ء(وتىنىشسىز) تۇردە ۇزارتىلدى.

بۇل تۋرالى بۇگىنگى ونلاين بريفينگتە الماتى قالاسى الەۋمەتتىك ءال-اۋقات باسقارماسى باسشىسىنىڭ ورىنباسارى دانيار الكەباي ۇلى مالىمدەدى.

- بۇگىنگى كۇنگى پاندەميالىق جاعدايدى ەسكەرە وتىرىپ، سونىمەن قاتار كورسەتىلەتىن قىزمەتتى الۋشىمەن تىكەلەي قاتىناستى بولدىرماۋ ءۇشىن مينيسترلىكپەن ء(مينيستردىڭ 2020 جىلعى 25 ناۋرىزداعى № 109 بۇيرىعىنا وزگەرىستەر ەنگىزۋ تۋرالى) ااك الۋشىلارى (03.06.2020 جىل جاعدايى بويىنشا) جۇگىنۋىسىز  بيىلعى 2 توقسانداعى تابىس نەگىزىندە اقپاراتتىق جۇيەدە اۆتوماتتى تۇردە ءوتىنىش قالىپتاستىرۋدى قاراستىراتىن بۇيرىق جوباسى دايىندالۋدا.

وسىعان وراي، ازاماتتاردىڭ قاۋىپسىزدىگى ءۇشىن، سونىمەن قاتار تىكەلەي قاتىناستى بولدىرماۋ ءۇشىن  بيىلعى 30 ماۋسىمى جاعدايىندا ااك الۋشىلارى بولىپ تابىلاتىن ازاماتتارعا 2020 جىلدىڭ 3 توقسانىنا قۇجاتتاردى قايتا تاپسىرۋ ءۇشىن اۋداندىق الەۋمەتتىك ءال-اۋقات بولىمدەرىنە جۇگىنبەۋلەرىن سۇرايمىز. اتالعان ازاماتتاردىڭ وتىنىشتەرى اقپاراتتىق جۇيە ارقىلى اۆتوماتتى تۇردە قالىپتاستىرىلادى.

سونىمەن بىرگە، ااك-گە ءوتىنىش ۇسىنباعان ازاماتتار كارانتين رەجيمى كەزەڭىندە ااك تاعايىنداۋ ءۇشىن "ەلەكتروندىق ۇكىمەت" پورتالىنىڭ (e.gov.kz) "ەلەكتروندىق ءوتىنىش" پاراقشاسى ارقىلى جەكە باسىن كۋالاندىراتىن قۇجاتتى قوسا ۇسىنا وتىرىپ ءوتىنىش بەرە الادى، - دەدى دانيار الكەباي ۇلى.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار