قالا اكىمدىگى ناۋقاستاردى ەمدەۋگە ارنالعان توسەك-ورىندار سانىن ارتتىرۋ بويىنشا جۇيەلى جۇمىستار جۇرگىزۋدە. رامادا پلازا عيماراتىندا 500 توسەك-ورىن ورنالاسقان. بولمەلەر قارقىندى تەراپيا پالاتالارى مەن ەمشارا كابينەتتەرى ءۇشىن قايتا جابدىقتالعان. بارلىق قاجەتتى مەديتسينالىق جابدىقتار بار. وتكەن اپتادا 800-دەن استام ورىن ازىرلەندى: №1 كوپسالالى قالالىق اۋرۋحانا تولىعىمەن جۇقپالى اۋرۋلار ستاتسيونارىنا اۋستىرىلدى, وندا 600 ورىن بار. سونداي-اق ۇلتتىق عىلىمي مەديتسينالىق ورتالىقتىڭ, قورعانىس مينيسترلىگى گوسپيتالىنىڭ جانە ۇوس كلينيكالىق گوسپيتالىنىڭ بازاسىندا توسەك-ورىندار قۇرىلدى.
جەدەل جاردەمگە حابارلاساتىندار سانى كۇنىنە مىڭنان 4 مىڭعا دەيىن ارتقاندىقتان جەدەل جاردەم ستانتسياسى بازاسىندا احۋالدىق ورتالىقتىڭ جۇمىسى ىسكە قوسىلدى. ماماندار ءبىر مەكەمە تولىپ كەتپەۋى ءۇشىن كۆي انىقتالعان ناۋقاستاردى ستاتسيونارعا جىبەرەدى. سونداي-اق جەدەل جاردەم ستانتسياسىنىڭ تەلەگرام-بوتى (@ns103bot) جۇمىس ىستەيدى, بوت ارقىلى قالا تۇرعىندارى جەدەل جاردەم شاقىرا الادى. جەدەل مەديتسينالىق كومەك بريگادالارىنىڭ سانى دا ارتتى.
سونىمەن قاتار تەلەمەديتسينانى پايدالانۋ تاجىريبەسى جالعاسۋدا. كوروناۆيرۋستىڭ سيمپتومسىز تاسىمالداۋشىلارىن ەمدەۋ ءۇشىن, مەديتسينا قىزمەتكەرلەرى بەينەقوڭىراۋ ارقىلى دەنساۋلىقتارىن باقىلاپ, ينفەكتسيانىڭ سيمپتومسىز تاسىمالداۋشىلارىنا بارلىق ماسەلەلەر بويىنشا كەڭەس بەرەدى.
