وسىعان بايلانىستى, ءبىز, قازاقستان رەسپۋبليكاسىنىڭ كاسىپوداقتار فەدەراتسياسى مەملەكەتتىك كوميسسيا جاريالاعان قاتاڭ شەكتەۋ شارالارىن تولىق قولدايمىز جانە ولاردى ىسكە اسىرۋعا بەلسەندى قاتىسۋعا دايىن ەكەنىمىزدى بىلدىرەمىز.
ەلىمىزدە توتەنشە جاعداي جاريالانعان العاشقى كۇندەردەن باستاپ قركف حالىق پەن مەملەكەتكە قولداۋ كورسەتىپ كەلەدى. العاشقى قادامداردىڭ ءبىرى كارانتينگە جىبەرىلگەن ادامداردى ورنالاستىرۋ ءۇشىن كاسىپوداق اكتيۆتەرىن ۇسىنۋ تۋرالى باستاما بولدى.
كاسىپوداق ۇيىمدارىنىڭ «شۇعىل بايلانىس جەلىلەرى» مەن جەدەل شتابتارى ەڭبەك قاتىناستارى سالاسىنداعى زاڭبۇزۋشىلىقتارعا تۇراقتى مونيتورينگ جۇرگىزۋگە مۇمكىندىك بەردى.
قركف كاسىپوداقتار بىرلەستىكتەرى كۆي-مەن كۇرەسكە جۇمىلدىرىلعان مەديتسينا قىزمەتكەرلەرى مەن كاسىپوداقتار مۇشەلەرىنە جەكە قورعانىس قۇرالدارىن, ءبىرىنشى قاجەتتىلىكتەگى تاۋارلاردى ساتىپ الۋ ءۇشىن ماتەريالدى كومەك كورسەتۋدە.
ارينە, كاسىپوداق ۇيىمدارى ينفەكتسيا تارالعان ۋاقىتتان باستاپ جۇمىس بەرۋشىلەردى سانيتارلىق نورمالاردى ساقتاۋعا جانە ءوز قىزمەتكەرلەرىن جەكە قورعانۋ قۇرالدارىمەن, سانيتارلارمەن قامتاماسىز ەتۋگە, الەۋمەتتىك قاشىقتىق ءۇشىن جاعداي جاساۋعا شاقىردى.
بۇگىن ءبىز بارلىق كاسىپورىنداردىڭ باسشىلارى مەن ەڭبەك ۇجىمدارىنا جۇگىنىپ قانا قويماي, ءار جۇمىس بەرۋشىنىڭ ەڭبەك ادامىنىڭ ءومىرى مەن دەنساۋلىعى ءۇشىن جوعارى جاۋاپكەرشىلىگى تۋرالى ايتامىز.
ءبىز جۇمىس ورىندارىندا قاتاڭ سانيتارلىق نورمالاردىڭ ساقتالۋىن جانە ەڭبەك قاۋىپسىزدىگىن قامتاماسىز ەتۋ جاعدايلارىن قوعامدىق باقىلاۋ قۇقىعىن وزىمىزگە قالدىرامىز. ادامدار جۇمىس بەرۋشىلەر تاراپىنان جاۋاپسىز جانە نەمقۇرايلى قارىم-قاتىناستىڭ قۇربانى بولا وتىرىپ, وزدەرىن جانە جاقىندارىنا قاۋىپ توندىرمەۋگە ءتيىس.
بۇگىندە ورىن العان جاعداي بۇكىل قوعام ءۇشىن ناعىز سىناق بولدى جانە جۇمىس بەرۋشىلەرمەن قاتار, جۇمىسشىلاردان ىنتىماقتاستىقتى جانە مۇمكىندىگىنشە ۇيلەسىمدى ءىس-قيمىلداردى تالاپ ەتەدى. ياعني, جۇمىسشىلار ءوز دەنساۋلىقتارى ءۇشىن عانا ەمەس, سونداي-اق اينالاسىنداعى ادامداردىڭ دا دەنساۋلىعى ءۇشىن جوعارى جاۋاپكەرشىلىككە يە.
قازىر مەملەكەت ءۇشىن كۇردەلى كەزەڭ. سوندىقتان, بارلىعىمىز قاۋىپ-قاتەردىڭ الدىندا بىرىگۋىمىز كەرەك جانە ءبىز نەعۇرلىم قيىن سىناقتار مەن تاريحتىڭ سىن-قاتەرلەرىن جەڭگەن ءبىرتۇتاس حالىق, ءبىرتۇتاس ەل ەكەنىمىزدى ۇمىتپاۋىمىز كەرەك.
سوندىقتان دا, ءبىز بۇكىل قوعامنىڭ بىرىككەن كۇش-جىگەرىنىڭ ارقاسىندا وسى قيىندىقتى جەڭەتىندىگىمىزگە جانە جىلدان-جىلعا بارلىق قازاقستاندىقتاردىڭ الەۋەتىن ارتتىرىپ, لايىقتى بولاشاققا دەگەن باعدارىمىزدى جالعاستىراتىندىعىمىزعا سەنىمدىمىز.
