ونەر • 02 شىلدە، 2020

"استانا وپەرا" قويىلىمداردى ونلايىن كورسەتەدى

16 رەت كورسەتىلدى

"استانا وپەرا" مەملەكەتتىك وپەرا جانە بالەت تەاترى TengriTV جانە تەاتر سايتى ارقىلى ونەرسۇيەر قاۋىمنىڭ نازارىنا جيىرمادان استام وپەرا جانە بالەت تۋىندىسىن، سونداي-اق الەمدىك جانە وتاندىق كلاسسيكانىڭ ءىنجۋ-مارجاندارىنان كونتسەرتتىك باعدارلامالار ۇسىنباق.

ونلاين-كورسەتىلىمدەردىڭ رەپەرتۋارىنان بايقاعانىمىز، ەرەسەكتەرمەن قاتار جاس كورەرمەندەردىڭ دە تالعام-تالابى بارىنشا ەسكەرىلگەن سياقتى. مىسالى، ەلوردالىق تەاتردىڭ مۋزىكاتانۋشىلارى مەكتەپكە دەيىنگى جانە مەكتەپ جاسىنداعى جەتكىنشەكتەردىڭ جازعى دەمالىسىنا وراي "بالالارعا ارنالعان كلاسسيكا"، "تەاترعا ساياحات" جانە "بالالار تەاترعا شاقىرادى" توپتامالارىن –س.پروكوفەۆتىڭ "پەتيا مەن قاسقىر" سيمفونيالىق ەرتەگىسىن، "ىشەكتى اسپاپتار ءۇنى"، ء"تۇرلى داۋىستار الەمى"، "ۇرمەلى جانە سوقپالى اسپاپتار ءۇنى"، ك.سەن-سانستىڭ "جانۋارلار كارناۆالى" زوولوگيالىق فانتازياسىن قازاق تىلىندە، ە.گريگتىڭ "پەر گيۋنتتىڭ ساياحاتى" كونتسەرتىن تارتۋ ەتپەك.

ال جالپى كورەرمەن جاقىن كۇندەردە "استانا وپەرا" بالەت ترۋپپاسىنىڭ كوركەمدىك جەتەكشىسى، رەسەيدىڭ حالىق ءارتىسى التىناي اسىلمۇراتوۆانىڭ قويىلىمىنداعى ليۋدۆيگ مينكۋستىڭ "دون كيحوت"، ادولف اداننىڭ "كورسار"، فريدەريك شوپەننىڭ مۋزىكاسىنا جازىلعان "شوپەنيانا" قويىلىمدارى مەن ت.ب. اتاقتى حورەوگرافتاردىڭ بالەت سپەكتاكلدەرىن تاماشالاي الادى.

تەاتر ۇجىمى ۇلتتىق جانە باتىس ەۋروپالىق كلاسسيكتەردىڭ جاۋھار تۋىندىلارىن، اتاپ ايتقاندا، ەۆگەني برۋسيلوۆسكيدىڭ "قىز جىبەك"، احمەت جۇبانوۆ پەن لاتيف ءحاميديدىڭ "اباي"، دجواككينو ءروسسينيدىڭ "جىبەك ساتى"، دجاككومو ءپۋچچينيدىڭ "توسكا" جانە ت.ب. قويىلىمدارىن، سونىمەن قاتار "استانا وپەرا" تەاترىنىڭ باس ديريجەرى الان بورىباەۆتىڭ – "يتاليادان كەلگەن حاتتار"، ديريجەر ابزال ءمۇحيتديننىڭ "جىلدىڭ سەگىز مەزگىلى: انتونيو ۆيۆالدي مەن استور پياتستسوللا" جوبالارىن، ب.قايىربەكوۆتىڭ "تابىسقان سۇحباتتاستار" شىعارماشىلىق كەشىن شىلدە مەن تامىز ايلارى كەستەسىنە ەنگىزىپ وتىر. "استانا وپەرا" كامەرالىق زالىندا وتكەن تاماشا كونتسەرتتەر دە كورەرمەن كوزايىمىنا اينالىپ، ۇلى ويشىل، اعارتۋشى، حاكىم اباي قۇنانباي ۇلىنىڭ تۋعان كۇنى قۇرمەتىنە 10-تامىزدا ۇسىنىلاتىن احمەت جۇبانوۆ پەن لاتيف ءحاميديدىڭ "اباي" وپەراسى جىلدىڭ ەڭ ايتۋلى ونلاين وقيعاسى رەتىندە ەل ەسىندە ساقتالادى دەپ كۇتىلۋدە.

تاعى ءبىر ايتا كەتەتىن جايت، TengriTV-ءدىڭ ديزاينى زاماناۋي تۇرپاتقا لايىقتالىپ، كورەرمەن تالعامىنا ساي جاڭعىرتىلىپ ۇسىنىلۋدا. ول پايدالانۋشىلار ءۇشىن مەيلىنشە ىڭعايلى ءارى ۋاقىت جاعىنان وتە ءتيىمدى. مۇنان كەيىنگى ۋاقىتتا بۇرىنعىداي ءبىر اپتاعا ارنالعان ترانسلياتسيالار كەستەسىمەن ەمەس، ءبىر ايلىق كەستەمەن تانىسۋعا، ونەرسۇيەر قاۋىم قويىلىمنىڭ وتەتىن كۇنى مەن ۋاقىتىن الدىن-الا ءبىلىپ وتىرۋىنا جاعداي تۋعىزىلدى. بۇل كوپشىلىكتىڭ سپەكتاكلدەردى تەز ءارى وڭاي تاۋىپ الۋىنا جانە وزدەرىنە "ۆيزۋالدىق كەستەنى" ساقتاۋعا مۇمكىندىك بەرەدى.

 

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار