قازاقستان • 02 شىلدە، 2020

قازاقستان ءاليۋمينيى الەمنىڭ 20-دان استام ەلىنە جەتكىزىلەدى

13 رەت كورسەتىلدى

"قازاقستان ەلەكتروليز زاۋىتى" اق (قەز) ەۋرازيالىق توپتىڭ (ERG) قۇرامىنا كىرەتىن ەلىمىزدە العاشقى اليۋميني وندىرەتىن جالعىز كاسىپورىن، دەپ حابارلايدى Egemen.kz

ءوندىرىس وشاعى 2007 جىلدان باستاپ لوندون مەتالدار بيرجاسىندا تىركەلگەن ا-8 جانە ا-85 جوعارى ماركالى باستاپقى اليۋميني شىعارادى. قەز ءاليۋمينيدى رەسەي، بەلارۋس، وزبەكستان، وڭتۇستىك جانە ورتالىق ەۋروپا ەلدەرىن قوسا العاندا، الەمنىڭ 20-دان استام ەلىنە جەتكىزەدى.

ەلىمىزدە ەلەكتروليز زاۋىتىن ىسكە قوسۋ اياسىندا تولىق وندىرىستىك تسيكلمەن ۇسىنىلعان اليۋميني كلاستەرى قۇرىلدى – كەن جانە سازبالشىقتى وندىرۋدەن باستاپ مەتالل الۋعا دەيىن (كراسنووكتيابر جانە تورعاي بوكسيت كەن باسقارمالارى، كەرەگەتاس اكتاس كەنىشى، پاۆلودار اليۋميني زاۋىتى).

سونىمەن قاتار قازاقستان ەلەكتروليز زاۋىتى الەمدەگى اليۋميني ءوندىرىسى بويىنشا ەڭ از شىعىندى كاسىپورىنداردىڭ ءبىرى بولىپ تابىلادى. مۇندا، اتاپ ايتقاندا، جەكە انودتار شىعارۋ جولعا قويىلعان، ەلەكترودتار ءوندىرىسى بويىنشا بولىمشەنىڭ قۋاتتىلىعى جىلىنا 136 مىڭ توننانى قۇرايدى. يننوۆاتسيالىق كاسىپورىن ءوز جۇمىسىن باستاعالى ەكى ملن توننادان استام باستاپقى اليۋميني ءوندىردى.

زاۋىت ەڭ جوعارى ساپالى ءونىم شىعارۋعا مۇمكىندىك بەرەتىن جەتەكشى الەمدىك ءوندىرۋشى فيرمالاردىڭ زاماناۋي جابدىقتارىمەن جابدىقتالعان. ءوندىرىس وشاعىندا الدىن الا كۇيدىرىلگەن انود تەحنولوگياسى قولدانىلادى، ول زاماناۋي ءارى ەكولوگيالىق قاۋىپسىز سانالادى. زاۋىتتاعى انودتار تەمىرتاۋداعى تاس كومىر پەكىنەن، پاۆلودار مۇناي كوكسىنەن وندىرىلەدى. اليۋميني ءوندىرۋ كەزىندە ەۋرازيالىق توپقا كىرەتىن "قازاقستان ءاليۋمينيى" اق سازبالشىعى پايدالانىلادى. بۇدان باسقا، بارلىق تەحنولوگيالىق پروتسەسس ءۇشىن ەلەكتر ەنەرگياسىن ERG تاعى ءبىر كاسىپورنى – "ەۋروازياتتىق ەنەرگەتيكالىق كورپوراتسياسى" اق جەتكىزەدى. زاۋىتتا وندىرىلگەن انودتار مۇندا شىعارىلاتىن وتاندىق ءاليۋمينيدىڭ جوعارى ساپاسىن ساقتاپ قانا قويماي، ونداعى قازاقستاندىق ءاليۋمينيدىڭ قۇرامىن 100%-عا دەيىن جەتكىزۋگە مۇمكىندىك بەرەدى.

زاۋىتتا جوعارى امپەرالى ەلەكتروليزەرلەر قولدانىلادى. ەلەكتروليزەرلەر سەرياسى 288 ەلەكتروليزەردەن تۇرادى. بارلىق تەحنولوگيالىق پروتسەستەر اۆتوماتتاندىرىلعان باسقارۋ جۇيەلەرىمەن باقىلانادى. وسىلايشا وپەراتسيالاردى رەتتەۋگە، ەلەكتروليزەرلەردىڭ، گاز تازالاۋ قوندىرعىلارىنىڭ، قۇيۋ تسەحىنىڭ جانە قوسالقى وبەكتىلەردىڭ جۇمىسىنا ۇزدىكسىز مونيتورينگ جۇرگىزۋگە مۇمكىندىك بار.

قۇرىلىستىڭ باستاپقى كەزەڭىندە جانە زاۋىت تۇرعىزىلعان كۇننەن باستاپ اليۋميني ءوندىرىسىنىڭ ەكولوگيالىق نورمالارى مەن ەرەجەلەرى ساقتالدى. اتموسفەراعا لاستاۋشى زاتتاردىڭ شىعارىندىلارىن ازايتۋ ءۇشىن نورۆەگيالىق ALSTOM كومپانياسىنىڭ گاز تازارتۋ قوندىرعىلارى ورناتىلعان، ولار ادسوربتسياعا جانە اليۋميني الۋ ءۇشىن شيكىزات بولىپ تابىلاتىن سازبالشىق بار فتورلى سۋتەگىن ەلەكتروليز پروتسەسىنە قايتارۋعا نەگىزدەلگەن تەحنولوگيالىق گازداردى قۇرعاق سوربتسيالىق تازارتۋمەن ۇسىنىلعان. لاستاۋشى زاتتاردى ۇستاۋ دەڭگەيى 99،4% - دان اسادى. تيىمدىلىك باسقا تاۋەلسىز ۇيىمدى تارتا وتىرىپ، توقسان سايىنعى ولشەۋلەرمەن راستالادى.

سونداي-اق قورشاعان ورتاعا تەرىس اسەردى بولدىرمايتىن وبەكتىلەرگە مىنالار جاتادى: شارۋاشىلىق - تۇرمىستىق اعىنداردى بيولوگيالىق تازارتۋ ستانتسياسى، ونەركاسىپتىك اعىنداردى تازارتۋ ستانتسياسى، وندىرىستىك جانە نوسەرلى اعىن سۋلاردى جيناقتاعىش توعان، قالدىقتاردى ۋاقىتشا ورنالاستىرۋ الاڭى جانە باسقالارى. "قازاقستان ەلەكتروليز زاۋىتى"اق ءوندىرىستىڭ ەكولوگيالىلىعىن ساقتاۋ جولىمەن يسو 14001 "ەكولوگيالىق مەنەدجمەنت جۇيەسى" حالىقارالىق ستاندارتىمەن سەرتيفيكاتتالعان.

بۇدان بولەك، بۇگىندە سانيتارلىق-قورعاۋ ايماعىنىڭ اۋماعىندا 300 000-نان استام جاسىل جەلەكتەر وتىرعىزىلعان، ولار گازعا ءتوزىمدى اعاش-بۇتا كوشەتتەرىنەن تۇرادى: تەرەك، سۇيەلدەمەلى قايىڭ، شاعان ۇيەڭكى، تال، ۇساق جاپىراقتى تۇتقىر. زاۋىت اۋماعىندا كوپتەگەن گۇلدەر گۇلدەيدى، ولاردىڭ نەگىزگىسى تازا اليۋميني سيمۆولى رەتىندە راۋشان بولىپ تابىلادى. جوبامەن زاۋىت اۋماعىن، سونداي-اق اينالاداعى جاسىل بەلدەۋلەردى جاقسارتۋ جانە اباتتاندىرۋ بويىنشا ودان ءارى جۇمىستار قاراستىرىلعان.

سوڭعى جاڭالىقتار

ۇقساس جاڭالىقتار