130 مىڭنان استام جۇمىس ورنى قۇرىلدى

قازاقستان • 02 شىلدە، 2020

130 مىڭنان استام جۇمىس ورنى قۇرىلدى - مينيسترلىك

11 رەت كورسەتىلدى

جۇمىسپەن قامتۋدىڭ 2020-2021 جىلدارعا ارنالعان جول كارتاسى اياسىندا (بۇدان ءارى – جقجك) 6 107 جوبانى ىسكە اسىرۋ باستالىپ، ولار بويىنشا 130،6 مىڭ جۇمىس ورنى قۇرىلدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى حابارلادى، - دەپ جازادى Egemen.kz

اقمارال اعزامقىزى

جقجك اياسىندا جەرگىلىكتى اتقارۋشى ورىندار ىسكە اسىرۋ ءۇشىن 6 506 جوبانى ىرىكتەپ الدى.

جقجك ينفراقۇرىلىمدىق جوبالارىن ىسكە اسىرۋ 4 نەگىزگى باعىت بويىنشا وتەدى:

– الەۋمەتتىك-مادەني نىسانداردى كۇردەلى جانە اعىمداعى جوندەۋ، رەكونسترۋكتسيالاۋ جانە سالۋ (2 703 جوبا);

– تۇرعىن ءۇي-كوممۋنالدىق شارۋاشىلىق نىساندارىن كۇردەلى، ورتاشا جانە اعىمداعى جوندەۋ، رەكونسترۋكتسيالاۋ (1 039 جوبا);

– ينجەنەرلىك-كولىك ينفراقۇرىلىمىن كۇردەلى، ورتاشا جانە اعىمداعى جوندەۋ، رەكونسترۋكتسيالاۋ جانە سالۋ (1 799 جوبا);

– ەلدى مەكەندەردى اباتتاندىرۋ (965 جوبا).

جقجك ينفراقۇرىلىمدىق جوبالارىن ىسكە اسىرۋ كەزىندە وتاندىق وندىرۋشىلەردىڭ كەمىندە 90% تاۋارلارى مەن قىزمەتتەرىن قولدانۋدى قامتاماسىز ەتۋ ەرەكشە شارت بولىپ تابىلادى. جۇمىسشىلاردىڭ كەم دەگەندە جارتىسى حالىقتى جۇمىسپەن قامتۋ ورتالىقتارى ارقىلى الىنىپ، باسىمدىق جۇمىسسىز جۇرگەن جاستارعا بەرىلەتىن بولادى. مەردىگەرلەر سانيتارلىق-ەپيدەميولوگيالىق شارالاردى قولدانا وتىرىپ، قاۋىپسىز ەڭبەك جاعدايىن قامتاماسىز ەتۋگە ءتيىس.

وڭىرلەردە 6 107 جوبا بويىنشا جۇمىس باستالدى، 130،6 مىڭ جۇمىس ورنى قۇرىلدى، ونىڭ ىشىندە حالىقتى جۇمىسپەن قامتۋ ورتالىقتارى ارقىلى 71،3 مىڭ ادام جۇمىسقا ورنالاستى.

جقجك اياسىندا بارلىعى 255 مىڭ جۇمىس ورنىن اشۋ جوسپارلانۋدا. بۇل رەتتە جقجك جوبالارى بولاشاقتا 100 مىڭنان استام تۇراقتى جۇمىس ورنىن اشۋعا نەگىز بولادى.

بۇدان بۇرىن حابارلاعانداي، جقجك ىسكە اسىرۋدىڭ ايتارلىقتاي وڭ اسەرى سەزىلمەك.

مىسالى، 80 جاڭا ءبىلىم بەرۋ وبەكتىسىنىڭ قۇرىلىسى اپاتتى جانە ءۇش اۋىسىمدى مەكتەپتەردىڭ ماسەلەلەرىن شەشۋگە، اۋىلدىق جەرلەردە ءبىلىم بەرۋ ورىندارىنا قولجەتىمدىلىكتى ارتتىرۋعا، سونداي-اق 7 مىڭعا جۋىق مۇعالىمدى تۇراقتى جۇمىسقا ورنالاستىرۋعا مۇمكىندىك بەرەدى. 24 دەنساۋلىق ساقتاۋ وبەكتىسىنىڭ قۇرىلىسى العاشقى مەديتسينالىق-سانيتاريالىق كومەككە قولجەتىمدىلىكتى ارتتىرادى، سونداي-اق شامامەن 1 مىڭ مەديتسينا قىزمەتكەرىن جۇمىسقا ورنالاستىرۋعا مۇمكىندىك بەرەدى. 36 مادەنيەت جانە سپورت نىسانىنىڭ قۇرىلىسى بۇقارالىق سپورتتى دامىتۋعا وڭ اسەر ەتىپ، جاستار ءۇشىن بوس ۋاقىت ماسەلەسىن شەشۋگە جانە 1،6 مىڭ ادامدى تۇراقتى جۇمىسپەن قامتاماسىز ەتۋگە مۇمكىندىك بەرەدى.

ءوز كەزەگىندە، سۋ شارۋاشىلىعىنىڭ 12 جاڭا وبەكتىسىن سالۋ جانە قولدانىستاعىلارىن جاڭعىرتۋ حالىق ءۇشىن اۋىز سۋدىڭ قولجەتىمدىلىگىن ارتتىرادى، سۋارمالى جەرلەردىڭ كولەمىن كەڭەيتۋگە، پايدالانىلمايتىن جەرلەردى اينالىمعا تارتۋعا، ارالاس سالالاردا 77 مىڭ ادامدى جۇمىسپەن قامتاماسىز ەتۋگە مۇمكىندىك بەرەدى. تۇرعىن ءۇي-كوممۋنالدىق شارۋاشىلىقتىڭ 247 جاڭا وبەكتىسىن سالۋ جانە قولدانىستاعىلارىن جاڭعىرتۋ تۇرعىن ءۇي قۇرىلىسى ءۇشىن جاعداي جاسايدى، اۋىل تۇرعىندارى ءۇشىن كوممۋنالدىق قىزمەتتەردىڭ قولجەتىمدىلىگىن قامتاماسىز ەتەدى، كوممۋنالدىق جەلىنىڭ توزۋىن تومەندەتەدى. ەلدىمەكەندەردى اباتتاندىرۋ ولاردىڭ سىرتقى كەلبەتىن جاقسارتىپ قانا قويماي، ازاماتتاردىڭ قاۋىپسىز جانە جايلى دەمالىسى ءۇشىن جاعداي جاسايدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز