ۇلتتىق پاركتەردى قولداۋ قورى قۇرىلدى

بۇل قوردىڭ قۇرىلۋىنا باستامانى الماتىلىق ەكو-بەلسەندى سەرگەي سپيتسىن كوتەرگەن. ول تابيعات جاناشىرلارىمەن بىرگە 7-8 جىلدىڭ كولەمىندە ىلە الاتاۋى ۇلتتىق پاركى مەن الماتى حايۋاناتتار باعىندا بىرنەشە ءالەۋمەتتىك جوبالاردى ىسكە اسىرىپ كەلەدى. وسى ايماقتى جاستايىنان جەتىك بىلەتىن ەكو-بەلسەندى ءۇش ەمدىك سۋ قاينارىن كوركەيتىپ، الماتىنىڭ ماڭىنداعى، اتاپ ايتقاندا گورەلنيك پەن المااراسان شاتقالىنداعى كوپىرءدى رەتتەۋمەن بىرگە حايۋاناتتار باعىندا گيمالايلىق جانە تيانشاندىق ايۋلارعا، سونداي-اق امۋرلىق جولبارىسقا ارنالعان قاۋمالدى ورناتۋعا كۇش سالدى. مەتسەناتتىڭ ايتۋىنشا، وسىنداي جوبالار ۇلتتىق پاركتەردى قولداۋ قورىن قۇرۋ يدەياسىنا الىپ كەلگەن.

"البەتتە، وسىنداي جوبالاردى جەكە ءوزىمەجالعاستىرا بەرۋگە ەش قيىندىق جوق. بىراق ۇلتتىق پاركتەر مەن تاۋلارىمىز بۇدان دا اۋقىمدىقامقورلىققا مۇقتاج. سايكەسىنشە، ۇلكەن قاراجات قاجەت. قازىر ىلە الاتاۋى ۇلتتىق پاركىندەگى ەكوءتۋريزمدى دامىتۋعا ارنالعان اۋقىمدى باستامانى "Turanga Group" كومپانياسىمەن بىرلەسىپ ىسكە اسىرىپ جاتىرمىز. ۇلكەن الماتى شاتقالىندا وركەنيەتتى دەمالۋعا جاعداي جاسالماعان. ءتىپتى قوقىس تاستايتىن ورىن جوق. ءبىزدءىڭ مىندەتىمىز - قوقىستى ءبولىپ جينايتىن جەرلەءردى بەلگىلەۋ عانا ەمەس، الەمدىك تاجىريبەنىڭ نەگىزىندە جۇيەلى ويلاستىرىلعان ادىسپەن تاۋلى جەرلەردە زاماناۋي دەمالىس ۇيىمداستىرۋ. ايتالىق، ۇلكەن الماتى شاتقالىندا جول جيەگىندەگى اۆتوكولىك تۇراقتارىنا شاعىن "قالتالار" ورناتۋدى جوسپارلاپ وتىرمىز. وسىنداي جۇمىس "ايۋساي" شاتقالىندا ىسكە اسىرىلدى. ونىڭ بالاماسىن ەۋروپادان كورگەن ەدىك. بۇگىندە حالىق ورماننىڭ ىشىنە كولىكپەن كىرىپ جاتىر. كولىكتەر جول جيەگىندە قالعانى دۇرىس دەپ ەسەپتەيمىز. اشىق الاڭقايلارعا تابيعاتتاعى سەرۋەنگە ارنالعان شاعىن ۇستەلدەر، شاعىن مانگالدار ورناتقىمىز كەلەدى. ولاردىڭ ءبارى نومىرلەنءىپ، تۇرعىندار مەن تۋريستەرگە بۇرىنعىداي تەگىن بولىپ قالادى. بۇل ۇلتتىق پاركتەگى ءتۋريزمدى جاقسارتۋعا، وركەنيەتتى دەمالىسقا جاعداي جاسايدى"، دەيدى س.سپيتسىن.

قوعام بەلسەندىسى ينۆەستورلارمەن بىرىگىپ، جاقىن جىلدارى قوعامنىڭ ۇلتتىق پاركتەردەگى قاتىستى كوزقاراسىن تۇبەگەيلى وزگەرتۋءدى كوزدەيتىنىن ايتادى. قاناتقاقتى جوبانى ىسكە اسىرۋ ارقىلى، باستاماشىل توپ مەملەكەتپەن بىرلەسىپ، قورشاعان ورتانى ساقتاۋدان بولەك ەكوتۋريزمدى دامىتۋدىڭ اۋقىمدى جوبالارىن جۇزەگە اسىرۋعا دايىن ەكەندەرىن ءبىلدىردى.

"بولاشاقتا بارلىق سالىنعان قاراجاتتىڭ ەسەبىن بەرۋگە دايىنبىز. بەلگىلى بلوگەرلەر مەن ەكو-بەلەندىلەردى قوردى باقىلاۋ كەڭەسىنە كىرۋگە شاقىرامىز. شەت مەملەكەتتەردەگى ۇلتتىق پاركتەردە بولعاندا، دەمالۋ مادەنيەتىنىڭ قانشالىقتى جوعارى دەڭگەيدە ەكەنىن بايقادىم. ءبىزدىڭ ەلدە ولاردان كەم ەمەس"، دەدى الماتىلىق ازامات.

بيىل ەكولوگيا، گەولوگيا جانە تابيعي رەسۋرستار مينيسترلىگى مادەنيەت جانە سپورت مينيسترلىگىنىڭ قولداۋىمەن قازاقستانداعى ۇلتتىق پاركتەردەەكوتۋريزمدى دامىتۋ جوباسىن ىسكە اسىرۋدى باستادى. وسىعان بايلانىستى تەندەرگە العاشقى بولىپ ىلە الاتاۋ پاركى قويىلدى. سالالىق مينيسترلىكتىڭ اقپاراتىنا سايكەس، اتالعان پاركتەگى ەكوءتۋريزمدى دامىتۋ بويىنشا بايقاۋدى الەكساندر گۋجاۆين باسقاراتىن "Turanga Group" كومپانياسى جەڭىپ الدى. ول 4 جىل ىشىندە بۇل جوباعا 12 ملرد تەڭگە سالۋدى جوسپارلاپ وتىر. ناتيجەسىندە، وسى اۋماقتا تەگىن اجەتحانا، جاياۋ جۇرگىنشىلەرگە ارنالعان جايلى جولدار، پاركتەگءى ادەپتى ۇستانۋعا بايلانىستى تولىق اقپاراتپەن قامتيتىن تۋريستەردىڭ ساپارلاۋ ورتالىعىن سالۋ سىندى جاعداي قاراستىرىلماق.