قازىر نە كوپ, ەلىمىزدىڭ كەز كەلگەن قالالارى مەن ەلدى مەكەندەرىندە اشىلىپ جاتقان كافە-مەيرامحانالار مەن ساۋدا, ويىن-ساۋىق ورىندارى كوپ. ارينە, ونىڭ قاجەتتىلىگىن جوققا شىعارۋعا بولمايدى. ايتسە دە, جەكە بيزنەس وكىلدەرىنىڭ بىرىنشىدەن ءوز پايدالارىن كوزدەپ وسىنداي سيپاتتاعى نىساندار تۇرعىزۋعا بەيىم تۇراتىنى دا جاسىرىن ەمەس. ونىڭ ەسەسىنە ولار سپورت كەشەندەرى مەن مادەني-دەمالىس عيماراتتارىن سالىپ پايدالانۋعا بەرىپتى دەگەن جاعىمدى جاڭالىقتى سيرەك ەستيمىز. بۇل وتاندىق شاعىن جانە ءىرى بيزنەس قۇرىلىمدارى اراسىندا مەتسەناتتىق قوزعالىستىڭ ءالى دە باياۋ ەكەنىن تانىتقانداي.
قازىر نە كوپ, ەلىمىزدىڭ كەز كەلگەن قالالارى مەن ەلدى مەكەندەرىندە اشىلىپ جاتقان كافە-مەيرامحانالار مەن ساۋدا, ويىن-ساۋىق ورىندارى كوپ. ارينە, ونىڭ قاجەتتىلىگىن جوققا شىعارۋعا بولمايدى. ايتسە دە, جەكە بيزنەس وكىلدەرىنىڭ بىرىنشىدەن ءوز پايدالارىن كوزدەپ وسىنداي سيپاتتاعى نىساندار تۇرعىزۋعا بەيىم تۇراتىنى دا جاسىرىن ەمەس. ونىڭ ەسەسىنە ولار سپورت كەشەندەرى مەن مادەني-دەمالىس عيماراتتارىن سالىپ پايدالانۋعا بەرىپتى دەگەن جاعىمدى جاڭالىقتى سيرەك ەستيمىز. بۇل وتاندىق شاعىن جانە ءىرى بيزنەس قۇرىلىمدارى اراسىندا مەتسەناتتىق قوزعالىستىڭ ءالى دە باياۋ ەكەنىن تانىتقانداي.
ورال قالاسىندا وسىنداي الەۋمەتتىك ءمانى مەن ماڭىزى جوعارى, بۇقارالىق سپورتتىڭ دامۋىنا ءوز سەپتىگىن تيگىزە الاتىن ايرىقشا نىساننىڭ اشىلۋىنا «نافاتا» ساۋدا ءۇيى» جشس باستاماشى بولىپ وتىر. بۇل قۇرىلىم «كوندەنسات» اق كومپانياسى قۇرامىنا كىرەدى. ونىڭ باسشىسى ۆالەري ءجۇنىسوۆ جاڭا سپورت كەشەنى تەك كومپانيا قىزمەتكەرلەرى ءۇشىن عانا ەمەس, سونىمەن بىرگە, بارشا ءوڭىر تۇرعىندارىنىڭ سپورتپەن شۇعىلدانۋلارى ءۇشىن جاسالعان باعا جەتپەس سىي ەكەنىن اتاپ كورسەتتى.
ايناداي جارقىراعان سۋ جاڭا عيماراتتىڭ سىرتقى كورىنىسى قانداي ءساندى بولسا, ونىڭ ىشىندەگى سپورت زالدارى كوپ قىرلىلىعىمەن ەرەكشەلەنەدى. مۇندا, ءبىر سوزبەن ايتقاندا, سپورتتىڭ جەڭىل اتلەتيكا دەپ اتالاتىن ساپىنا كىرەتىن – فۋتبول, ۆالەيبول, كوركەم گيمناستيكا, ۇستەل تەننيسى, ۇلكەن تەننيس, بادمينتون سەكىلدى تۇرلەرىمەن كەز كەلگەن تۇرعىن ەمىن-ەركىن اينالىسا الادى.
اتالعان جاڭا سپورت كەشەنى ورال قالاسىنىڭ قاق ورتالىعىندا, كەڭەس وداعىنىڭ باتىرى سۇندەتقالي ەسقاليەۆ كوشەسىنىڭ بويىندا ورنالاسقان.
تەمىر قۇسايىن,
«ەگەمەن قازاقستان».
ورال.
––––––––––––––
سۋرەتتە: جاڭا سپورت كەشەنىنىڭ سىرتقى كورىنىسى.
