2015 جىلى اۋدانداعى شارۋا قوجالىقتارىنىڭ ءبىرىنىڭ باسشىسى ءۇش جىلقىنىڭ جوعالعانى تۋرالى ارىزبەن ماي اۋدانىنىڭ پوليتسيا بولىمىنە جۇگىندى. 2020 جىلدىڭ مامىر ايىندا الىس جاتقان مال جايىلىمىنىڭ ورىندارىن تاۋىپ الۋ كەزىندە پوليتسيا جابىرلەنۋشىگە تيەسىلى جىلقىنى تاۋىپ الدى.
پوليتسيا 2015 جىلى كۇدىكتى اۋداننىڭ دالا ايماعىن موتوتسيكلمەن ارالاپ جۇرگەندە جىلقىلاردىڭ (بيە مەن ەكى ق ۇلىن) قاراۋسىز جايىلىپ جاتقانىن كورگەنىن انىقتادى.
ەر ادام ەش ويلانباستان جىلقىلاردى اۋىلىنا ايداعان. كەلگەننەن كەيىن ول ەكى ق ۇلىندى سويىپ, ەتتى ساتىپ جىبەرەدى. ال بيەنى قالدىرۋدى شەشكەن. جىلقى ۇرلانعانىن جاسىرۋ ءۇشىن وعان ءوز تاڭباسىن سالىپ, بۇل جىلقىنى اۋىلداسىنىڭ جىلقىلارىنا اپارىپ قوسادى.
اتالعان فاكتى بويىنشا قر قك 188-بابى “ۇرلىق” بويىنشا سوتقا دەيىنگى تەرگەۋ جۇرگىزىلدى. ءىس سوتقا جولداندى. جىلقى زاڭدى يەسىنە قايتارىلادى. مۇنداي فاكتىلەردىڭ الدىن الۋ ءۇشىن پوليتسيا مالدى جايىلىمعا قاراۋسىز قالدىرماۋعا كەڭەس بەرەدى. ءىرى قارا مالدى باقىلاۋسىز جايىلىمداۋ – مال ۇرلاۋشىلار ءۇشىن وڭاي ولجا.
مىندەتتى تۇردە بەلگى قويۋ وتە ماڭىزدى. سونداي-اق, مال تولقۇجاتتارى بولۋى كەرەك. سونىمەن بىرگە شارۋا قوجالىقتارىنىڭ باسشىلارى نىسانداردى تۇندە قورعاۋعا, مالشىلاردى باقىلاۋعا, نىسانداردى جارىقپەن جابدىقتاۋعا, بەينەباقىلاۋ ورناتۋعا نازار اۋدارۋى كەرەك.
