27 ماۋسىمداعى مالىمەت بويىنشا, تۋريزمنەن تۇسكەن تابىس 12 ميلليارد 280 ميلليون يۋانعا جەتتى. بۇل وتكەن جىلداعى تابىستىڭ 31,2 پايىزىن قۇرايدى. تۋريزم سەگمەنتىنىڭ دەرەكتەرى بۇكىل قىتاي ەكونوميكاسىن جەدەل قالپىنا كەلتىرۋدىڭ ماتريتساسىن كورسەتتى. كوروناۆيرۋستىق قىسىمعا قاراماستان, قىتاي ەكونوميكاسى بىرتىندەپ ءوسۋ تەندەنتسياسىن كورسەتۋدە.
قىتاي ەكونوميكاسىنىڭ دامۋ كۇشى, الەۋەتى جانە كەڭ پەرسپەكتيۆاسى, ءوز كەزەگىندە, الەمدىك نارىقتاعى قىتايعا دەگەن سەنىم دەڭگەيىن ايتارلىقتاي ارتتىردى. حالىقارالىق ۆاليۋتا قورىنىڭ بولجامىنشا, 2020 جىلى الەمدىك ەكونوميكا 4,9% قۇلدىراۋعا ۇشىرايدى, بۇل حۆق-نىڭ الدىڭعى بولجامىنان 1,9% تومەن. سالىستىرۋ ءۇشىن: قىتاي ەكونوميكاسى (حۆق بولجامىنا سايكەس) 2020 جىلى ءوزىنىڭ ءوسۋىن ساقتايتىن الەمدەگى جەتەكشى ەكونوميكالاردىڭ ءبىرى بولادى.
جاقىندا وتكەن 127-ءشى كانتوندىق ەكسپورت-يمپورت جارمەڭكەسىندە 217 ەلدىڭ ساۋدا وكىلدەرى كوممەرتسيالىق كەلىسسوزدەرگە قاتىستى. بۇل جارمەڭكە تاريحىنداعى جاڭا رەكورد. Volkswagen اۆتوموبيل گيگانتى انحوي پروۆينتسياسىنداعى ەلەكتروموبيل وندىرىسىنە قوسىمشا 2 ميلليارد ەۋرو ينۆەستيتسيالادى. A.T.KEARNEY كونسالتينگتىك كومپانياسى شەتەلدىك تىكەلەي ينۆەستورلاردىڭ سەنىم يندەكسىنىڭ (تشي) 2020 جىلعا ارنالعان ەسەبىن جاريالادى, وعان سايكەس قىتاي الەمدەگى "العاشقى وندىققا" كىرەتىن نارىقتىق دامۋشى ەل بولدى.
نەلىكتەن قىتاي ەكونوميكاسى قيىندىقتاردى تەز جەڭە الادى؟ ساراپشىلاردىڭ پىكىرىنشە, بۇرىن-سوڭدى بولماعان پاندەميا كەزىندە بيلەۋشى پارتيا مەن قىتاي ۇكىمەتى ارقاشان ادامنىڭ ءومىرى مەن دەنساۋلىعىنىڭ كەپىلدىگىن ءبىرىنشى ورىنعا قويادى جانە عىلىمي كوزقاراس نەگىزىندە ىندەتتىڭ الدىن الۋ جانە وعان قارسى كۇرەس جۇمىستارىن جۇرگىزىپ, بىرتىندەپ ءوندىرىستى قالپىنا كەلتىرە باستايدى. مۇنداي سحەما قىتاي ەكونوميكاسىنداعى قالپىنا كەلۋ قارقىنىن جەدەلدەتۋگە قولايلى جاعداي جاسايدى.
سونىمەن بىرگە قىتاي - 1,4 ملرد حالقى بار ۇلكەن تۇتىنۋ نارىعى بار ەل. تۇتىنۋ كولەمى ۇنەمى ءوسىپ كەلەدى. بۇل ەل ەكونوميكاسى دامۋىنىڭ قۋاتتى نەگىزىنە اينالدى. تولىققاندى وندىرىستىك تىزبەكتەر, كۇشتى عىلىمي-تەحنولوگيالىق الەۋەت جانە بىلىكتى مامانداردىڭ كوپتىگى - قىتاي ەكونوميكاسىن باسەكەگە قابىلەتتى ەتىپ وتىر.
