باعدارلاما قازاقستاندىق جوعارى وقۋ ورىندارىنىڭ باكالاۆريات جانە ماگيستراتۋرا ستۋدەنتتەرىنە قوردىڭ 11 پورتفەلدىك كومپانيالارىندا تاعىلىمدامادان وتۋگە مۇمكىندىك بەرەدى. 2018 جانە 2019 جىلداردىڭ قورىتىندىسى بويىنشا باعدارلاما ءوزىنىڭ تيىمدىلىگىن كورسەتتى. وسىلايشا, جوبا ىسكە قوسىلعان ساتتەن باستاپ قوردىڭ كومپانيالار توبىنا 43 ستاجەر جۇمىسقا ورنالاستى.
اعىمداعى جىلدىڭ ەكى ايى ىشىندە 2289 ءوتىنىم وڭدەلدى, 29 اسەسسور تارتىلدى. قازىرگى ۋاقىتتا 41 فيناليست 4 كەزەڭدى ىرىكتەۋدەن ءساتتى ءوتتى جانە "تسيفرلىق جاز 2020" باعدارلاماسى بويىنشا 2020 جىلدىڭ 1 شىلدە-31 تامىز ارالىعىندا تاعىلىمدامادان وتۋگە دايىن. سونىمەن قاتار, جوبانىڭ 21 قاتىسۋشىسى - الىنعان سەرتيفيكات نەگىزىندە قاتىسۋعا رۇقساتى بار باعدارلامانىڭ وتكەن جىلعى تۇلەكتەرى.
وتىنىمدەر الەۋمەتتىك جەلىلەردەگى تارگەتتەلگەن جارناما, جاستار ۇيىمدارىنا اقپارات تاراتۋ, سونداي-اق ەلىمىزدىڭ جوعارى وقۋ ورىندارىنا رەسمي حاتتار ارقىلى تارتىلدى.
جاڭا شارتتارعا سايكەس, باعدارلاماعا تەك IT سالاسىنداعى ماماندار عانا ەمەس, سونىمەن قاتار HR, اكىمشىلىك قىزمەت, ينجەنەر-تەحنولوگتار, ينجەنەر-مەحانيكتەر, حيميكتەر-تەحنولوگتار, تەحنيكالىق ماماندىقتار, گەولوگتار مەن مۇناي-گاز ءىسىنىڭ ماماندارى, ينجەنەر-ەكولوگتار تارتىلدى.
سونىمەن قاتار تاعىلىمدامانىڭ گەوگرافيالىق قامتىلۋى كەڭەيتىلدى. ەگەر وتكەن جىلى تاعىلىمداما نۇرسۇلتان جانە الماتى قالالارىندا وتسە, بيىل قاتىسۋشىلاردىڭ كەلەسى قالالاردا: نۇر-سۇلتان, الماتى, اقتوبە, اتىراۋ, قىزىلوردا جانە ەكىباستۇز قالالارىندا تاعىلىمدامادان وتۋگە مۇمكىندىگى بار.
ايتا كەتۋ كەرەك, ءاربىر قاتىسۋشىعا كومپانيا قىزمەتكەرلەرى اراسىنان جەكە تالىمگەر بەكىتىلەدى. سونىمەن قاتار قاتىسۋشىلار 50 000 تەڭگە كولەمىندە اي سايىنعى ستيپەنديا الاتىن بولادى
2019 جىلى تاعىلىمداماعا 53 قاتىسۋشى قابىلداندى, ونىڭ ىشىندە 11 تاعىلىمدامادان ءوتۋشى قور كومپانيالارىندا جۇمىسقا شاقىرىلدى.
ەستەرىڭىزگە سالا كەتەيىك, قوردىڭ باسقارما توراعاسى احمەتجان ەسىموۆ "تسيفرلىق جاز" باعدارلاماسىنا وڭ باعا بەردى. بۇل باعدارلامانىڭ بىرەگەي ەرەكشەلىكتەرىنىڭ ءبىرى SAP, Microsoft, Oracle, Cisco, HP, IBM, Huawei ءىرى اگلومەرات ونىمدەرىمەن جۇمىس ىستەۋدىڭ پراكتيكالىق تاجىريبەسى, سونداي - اق جىل سايىنعى حاكاتون وتكىزۋ بولىپ تابىلادى.
