تۋىستارىنىڭ ايتۋىنشا, 59 جاستاعى جۋرناليست وكپەسى قابىنىپ وتكەن اپتانىڭ باسىندا نۇر-سۇلتان قالاسىنداعى اۋرۋحانالاردىڭ بىرىندە ەمدەلگەن. بۇگىن, 29 ماۋسىم كۇنى كوز جۇمعانى بەلگىلى بولدى.
ايتا كەتەيىك, قۋاندىق شاماحاي ۇلى - ماعجان جۇماباەۆ اتىنداعى سىيلىقتىڭ لاۋرەاتى. 1993 جىلى مونعوليا جازۋشىلار وداعىنا مۇشەلىككە وتكەن. تۇرىك جازۋشىسى ءازيز نەسيننىڭ, قازاق جازۋشىلارى: ورالحان بوكەيدىڭ, بەردىبەك سوقپاقباەۆتىڭ, تولەگەن قاجىباەۆتىڭ, گۇلزات شويبەكوۆانىڭ جانە مونعوليالىق قازاق قالامگەرلەر: كاكەي جاڭجۋڭ ۇلىنىڭ, باتاي ماقابىل ۇلىنىڭ شىعارمالارىن مونعول تىلىنە اۋدارعان. سونىمەن قاتار ءبىر توپ مونعول ساتيريكتەرىنىڭ تۋىندىلارىن قازاقشاعا ءتارجىمالاپ بايان-ولگيدە جەكە كىتاپ ەتىپ باستىرعان.
قازاق جانە مونعول باسپاسوزىندە الپىستان استام اڭگىمەسى جارىق كورگەن. اۋدارماشى وسى جيناقتا مونعوليا جازۋشىلارىنىڭ جيىرما شاقتى اڭگىمە, پوۆەستەرى مەن ءبىر شاعىن رومانىن تۇپنۇسقادان تىكەلەي اۋدارىپ, قازاق وقىرماندارىنا ۇسىنعان.
