ايدا بالاەۆانىڭ مالىمەتىنشە, مەملەكەتتىك اقپاراتتىق تاپسىرىستى ورنالاستىرۋدىڭ بىرىڭعاي جۇيەسىن قۇرۋعا, وتاندىق باسپا باق-تى قولداۋعا, تسيفرلىق راديوحابار مەن ينتەرنەت تەلەۆيدەنيەنى دامىتۋعا, اقپارات سالاسىنداعى مەملەكەتتىك ۇيىمداردى وڭتايلاندىرۋعا باعىتتالعان بىرقاتار شارا قاراستىرىلعان.
سونىمەن قاتار, ۆەدومستۆو باسشىسىنىڭ ايتۋىنشا, كاسىبي دامۋدىڭ ءبىلىم بەرۋ باعدارلامالارىن جەتىلدىرۋ, تالىمگەرلىك ينستيتۋتىن دامىتۋ, وقىتۋ كۋرستارىن ۇيىمداستىرۋ, باق جاس قىزمەتكەرلەرىنە گرانتتىق باعدارلامانى ىسكە قوسۋ ارقىلى باق سالاسىنداعى كادرلاردى دايارلاۋ جۇيەسى قايتا قارالادى.
"اقپارات سالاسىن قۇقىقتىق رەتتەۋ شەڭبەرىندە سالانىڭ جاڭا سۋبەكتىلەرىنىڭ قۇقىقتىق مارتەبەسىن ايقىنداۋعا, جارناما بويىنشا باق ءۇشىن مۇمكىندىكتەردى كەڭەيتۋگە, تەلەراديو حابارلارىن تاراتۋ سالاسىنداعى راسىمدەردى جەتىلدىرۋگە باعىتتالعان زاڭنامالىق شارالار ىسكە اسىرىلاتىن بولادى. حالىقتى مەملەكەتتىك ورگانداردىڭ قىزمەتى تۋرالى ساپالى اقپاراتتاندىرۋ ماقساتىندا بيىلعى جىلى مەملەكەتتىك باق-تىڭ بىرىڭعاي پورتالى ىسكە قوسىلادى", - دەدى مينيستر.
