• 10 قازان, 2013

حوككەي. «بارىس» «دينامونى» بۋلليتتەن ۇتتى

220 رەت

كورسەتىلدى

1 مين

وقۋ ءۇشىن

Egemen Qazaqstan

10-10-13-barys-dinamo-1

استانانىڭ «بارىسى» بۇگىن, 10 قازان كۇنى ءوز الاڭىندا ماسكەۋدىڭ «ديناموسىن» قابىلداپ, بۋلليتتەن ۇتتى. بۇل تۋرالى Egemennews.kzءتىلشىسى حابارلادى. ويىن وتە تارتىستى ءوتتى. ونىڭ ءبىرىنشى كەزەڭىندە قارسىلاستار ەسەپ اشا المادى. ال ەكىنشى كەزەڭنىڭ باسىندا (22-مينۋت) ماسكەۋلىك الەكسەي تسۆەتكوۆ ەسەپ اشتى. وسى ەسەپ كوپكە دەيىن وزگەرمەي تۇرىپ الدى. الاڭ يەلەرى تەك كەزەڭ اياقتالۋعا جاقىن قالعاندا (37-مينۋت) تارازى باسىن تەڭەستىردى. مۇنى سالعان ارتەمي لاكيزا «بارىستىڭ» قاتارىنان 88 ويىن بويىنا گول سوعۋىن قامتاماسىز ەتتى. بىراق كەزەڭ بىتكەنشە ەسەپ تاعى وزگەردى. ىسقىرىق ەستىلۋگە 3 سەكۋند قالعان شامادا مارتينش كارسۋمس قوناقتاردى تاعى العا شىعاردى. اتالمىش لاتىش ويىنشىسى 49-مينۋتتا ەسەپتى 3:1-گە اپاردى. وسىمەن «دينامونىڭ» جەڭەتىنى ايقىندالىپ قالعانداي بولعان. بىراق «بارىستىڭ» جىگىتتەرى بۇلاي ويلاماپتى, ولار ەكى رەت وزدەرىنىڭ الاڭداعى سانى ارتىق بولىپ تۇرعان كەزىن پايدالانىپ, گول سوعىپ كەتتى. ونىڭ ءبىرىنشىسى رومان ساۆچەنكو تۇسىرسە, ەكىنشىسىن دميتري ۋپپەر ءوزىنىڭ ەسەبىنە جازدى. بۇدان كەيىن وينالعان وۆەرتايم ەشتەڭە شەشكەن جوق. سوسىن كەزەك بۋلليتكە بەرىلدى. وندا شەشۋشى سوققىنى استانالىق داستين بويد جاسادى. وسىمەن استانالىقتار قاتارىنان ەكىنشى رەت بۋلليت بويىنشا ءبىر ۇپاي الىپ وتىر. دامير قوجامقۇل.