وتكەن اپتا سوڭىندا اتالعان بايقاۋدىڭ 2020 جىلعى قورىتىندىسى جاريالانىپ, كونكۋرس جەڭىمپازدارى مەن جۇلدەگەرلەرى ماراپاتتالدى. بيىل مارتەبەلى بايقاۋعا ءتورت اتالىم بويىنشا 56 جۋرناليست قاتىسىپ, ولاردىڭ قالامىنان شىققان 116 شىعارماشىلىق جۇمىس قازىلار تالقىسىنا ۇسىنىلىپتى.
وسىلاي ۇزدىك دەپ تانىلعان جۋرناليستەردى ونلاين ماراپاتتاۋ شاراسى كەزىندە قاتىسۋشىلارعا جۇرەكجاردى قۇتتىقتاۋ ءسوزىن جولداعان مادەنيەت جانە سپورت ءمينيسترى اقتوتى رايىمقۇلوۆا: «مەملەكەتتىڭ جان-جاقتى دامۋىنا, ەلدىڭ بىرلىگىنە بۇقارالىق اقپارات قۇرالدارىنىڭ قوسار ۇلەسى زور. ءبىزدىڭ ورتاق ماقساتىمىز – ءبىر-ءبىرىمىزدى قولداۋ, بىرگە ارەكەت ەتۋ, ەلدىڭ, ەكونوميكانىڭ دامۋى, الەۋمەتتىك سالانىڭ گۇلدەنۋى, ءومىردىڭ تىنىشتىعىنا, سىزدەر, جۋرناليستەر قاۋىمى, التىن كوپىر بولىپ كەلەسىزدەر» دەي وتىرىپ, جۇزدەن جۇيرىك شىققان شىعارماشىلىق يەلەرىنە تابىس تىلەدى.
سونىمەن بايقاۋدىڭ باس جۇلدەسى جاس جۋرناليست ءداۋىرجان تولەباەۆقا بۇيىرىپ, 1 ميلليون تەڭگە سىياقىعا يە بولدى.
«ۇزدىك ماقالا» اتالىمى بويىنشا: ءى ورىن – «Egemen Qazaqstan» گازەتىنىڭ ءبولىم مەڭگەرۋشىسى ورىنبەك پازىلوۆقا, ءىى ورىن – «ايقىن» رەسپۋبليكالىق قوعامدىق-ساياسي گازەتىنىڭ قىزمەتكەرى گۇلزينا بەكتاسوۆاعا, ءىىى ورىن – «انا ءتىلى» گازەتىنىڭ ءجۋرناليسى قاراگوز سىمادىلگە;
«ۇزدىك سايت ماقالاسى» اتالىمى بويىنشا: ءى ورىن – «اlاdوp.كz» سايتىنىڭ رەداكتورى ەرمۇحامەد ماۋلەنگە, ءىى ورىن – «قازاقپارات» حالىقارالىق اقپارات اگەنتتىگىنىڭ قىزمەتكەرى ايان ورىبايعا, ءىىى ورىن – «Elorda Aqparat» سايتىنىڭ ءجۋرناليسى ايان ابدۋاليگە;
«ۇزدىك راديوباعدارلاما» اتالىمى بويىنشا: ءى ورىن – «شالقار» راديوسىنىڭ ءتىلشىسى گۇلنۇر ومارحانقىزىنا, ءىى ورىن – «قازاق راديولارى» جشس قىزمەتكەرى اينۇر شامشەيىتوۆاعا, ءىىى ورىن – «شالقار» راديوسىنىڭ تاعى ءبىر ءتىلشىسى نۇرمات مانسۇرعا;
«ۇزدىك تەلەباعدارلاما» اتالىمى بويىنشا: ءى ورىن – «جەتىسۋ» تەلەارناسىنىڭ ءجۋرناليسى ايبەك قۇتتىبەكوۆكە, ءىى ورىن – «اكتسەنت» تەلەارناسىنىڭ قىزمەتكەرى جانار كاشكىنباەۆاعا, ءىىى ورىن – «قازاقستان» رترك» اق ماڭعىستاۋ وبلىستىق فيليالىنىڭ ءتىلشىسى گۇلنۇر قالدىباەۆاعا بۇيىردى.
جوعارىدا اتاپ وتىلگەن اتالىمدار بويىنشا ورىن يەلەنگەن جۋرناليستەرگە ءبىرىنشى ورىنعا – 500 مىڭ, ەكىنشى ورىنعا – 350 مىڭ, ءۇشىنشى ورىنعا – 150 مىڭ تەڭگە سىياقى بەرىلدى.
شارانى ۇيىمداستىرىپ وتكىزگەن شايسۇلتان شاياحمەتوۆ اتىنداعى ء«تىل-قازىنا» ۇلتتىق عىلىمي-پراكتيكالىق ورتالىعىنىڭ باس ديرەكتورى, تانىمال جازۋشى الىبەك اسقار ماراپاتتاۋ ءراسىمىن قورىتىندىلاپ, بۇل رەتكى سىنعا تۇسكەن تۋىندىلار ساپاسى تالاپ دەڭگەيىنەن شىققانىن, اسىرەسە جاس جۋرناليستەردىڭ ءتىل تاقىرىبىن دەندەپ زەرتتەۋى قۋانتارلىق ەكەنىن جەتكىزدى.
