ەڭ الدىمەن داۋرەن اباەۆ مەملەكەت باسشىسىنىڭ ىزگى تىلەگىن جۋرناليستەر قاۋىمىنا جەتكىزدى. «سىزدەردىڭ جازعان ءاربىر ماقالالارىڭىزدا, دايىنداعان سيۋجەتتەرىڭىزدە ەلدىڭ مۇڭى مەن مۇقتاجى, ويى مەن پىكىرى, تالابى مەن تىلەگى, قوعام دامۋىنىڭ تىنىسى ايقىن كورىنىس تاۋىپ وتىر. ويتكەنى جۇمىس بارىسىندا جۇرتپەن ەتەنە ارالاسىپ, «حالىق ۇنىنە قۇلاق اساتىن مەملەكەت» قاعيداتىن جۇزەگە اسىرۋعا زور ەڭبەك سىڭىردىڭىزدەر. سونىمەن قاتار كاسىبي بىلىكتىلىكتەرىڭىز ارقىلى مەملەكەتىمىزدىڭ كوش باسىنداعى وركەنيەتتى ەلدەردىڭ قاتارىنا قوسىلۋى ءۇشىن ولشەۋسىز ۇلەس قوسىپ كەلەسىزدەر», دەلىنگەن پرەزيدەنت قۇتتىقتاۋىندا.
قاسىم-جومارت توقاەۆ پاندەميا كەزىندە دەنساۋلىق ساقتاۋ, قۇقىق قورعاۋ سالالارىنىڭ قىزمەتكەرلەرىمەن ءبىر قاتاردا تىنىمسىز جۇمىس ىستەگەن جۋرناليستەردىڭ ەڭبەگىن ەرەكشە اتاپ وتكەن. ودان سوڭ داۋرەن اباەۆ پرەزيدەنت سىيلىعى مەن گرانتىن تابىستاپ, العىسىن العان شىعارماشىلىق ۇجىمداردى قۇتتىقتادى.
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى سىيلىقتارى «ەگەمەن قازاقستان» رەسپۋبليكالىق گازەتى» اق باسقارما توراعاسى دارحان قىدىرالىگە, «قازاق ادەبيەتى» گازەتىنىڭ باس رەداكتورى داۋرەن قۋاتوۆقا, «جەتىسۋ» تەلەارناسىنىڭ ديرەكتورى سەرىك سارىبايعا, «حابار» تەلەارناسىنىڭ تالدامالىق باعدارلامالار ءبولىمىنىڭ شەف-رەداكتورى الەكساندر ترۋحاچەۆكە تابىستالدى.
ال قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى گرانتتارى «Qazaqstan» ۇلتتىق تەلەارناسىنىڭ ءتىلشىسى البينا اشىمگە, «حابار» تەلەارناسى تالدامالىق باعدارلامالار ءبولىمىنىڭ ءتىلشىسى ماقپال مادياروۆاعا, «Semei» تەلەارناسىنىڭ رەداكتور-تەلەجۇرگىزۋشىسى مارجان نۇرىشەۆاعا, «ازاتتىق رۋحى» اقپارات اگەنتتىگىنىڭ شىعارۋشى رەداكتورى جاندوس سمايلوۆقا بەرىلدى.
قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى العىسىمەن «انا ءتىلى» گازەتىنىڭ, «قازاقپارات» حالىقارالىق اقپارات اگەنتتىگىنىڭ, «كازاحستانسكايا پراۆدا» رەسپۋبليكالىق گازەتىنىڭ, «Qazaqstan» ۇلتتىق تەلەارناسىنىڭ ماڭعىستاۋ وبلىستىق فيليالىنىڭ شىعارماشىلىق ۇجىمدارى ماراپاتتالدى.
سونىمەن قاتار پرەزيدەنت العىس حاتىن «ايقىن» رەسپۋبليكالىق قوعامدىق-ساياسي گازەتى سايتىنىڭ رەداكتورى اسقار بەك, «قازاقپارات» حاا مۋلتيمەديالىق كونتەنت ءبولىمىنىڭ باسشىسى دۋلات نۋركين, «قازاق راديولارىنىڭ» رەداكتور-جۇرگىزۋشىسى باعداگۇل راحمەتقىزى, «حابار» تەلەارناسىنىڭ ءتىلشىسى گۇلجان مارقاباەۆا, «كازاحستانسكايا پراۆدا» رەسپۋبليكالىق گازەتىنىڭ» شولۋشىسى ەلەنا لەۆكوۆيچ, «استانا اقشامى» گازەتىنىڭ شەف-رەداكتورى تولەن تىلەۋباي, «ەۋرازيا ءبىرىنشى» تەلەارناسىنىڭ ءتىلشىسى ايدانا ۇسەنباي الدى.
– بۇگىنگى ماراپاتتارىڭىز قۇتتى بولسىن! سىزدەر بۇعان ابدەن لايىقسىزدار. ەلىمىزدىڭ بارلىق ءجۋرناليسىن كاسىبي مەرەكەمەن قۇتتىقتايمىن! قادامدارىڭىز قۇتتى, قالامدارىڭىز جۇيرىك بولسىن! ەلىمىزدىڭ دامۋى ءۇشىن اقپارات سالاسىندا ايانباي ەڭبەك ەتە بەرىڭىزدەر, – دەدى داۋرەن اباەۆ.
