مينيستر حايكو مااستىڭ ايتۋىنشا, اتالعان شەشىمدەر ۇيلەستىرىلىپ, ەۋرووداق دەڭگەيىندە داۋىس بەرۋ راسىمىنەن ءوتۋى ءتيىس ەكەنىن ناقتىلادى.
ەستەرىڭىزگە سالا كەتەيىك, مامىر ايىنان باستاپ ەۋرووداق پەن شەنگەن ايماعىنىڭ شەكاراسى ۇنەمى اشىلىپ تۇردى. شىلدە ايىندا وڭتۇستىك كورەيا مەن جاڭا زەلانديادان كەلگەندەرگە ەو-عا كىرۋ ءۇشىن شەكتەۋلەر الىنىپ تاستالۋى مۇمكىن.
رەسەي, اقش جانە برازيليادان كەلگەن تۋريستەر تەك ەرەكشە جاعدايلاردا عانا كىرۋگە رۇقسات الا الادى. سوڭعى ەكى اپتا ىشىندە ەلدەگى CوVID-19 ينفەكتسياسىن جۇقتىرۋ جاعدايلارىنىڭ سانى – 100 مىڭ تۇرعىنعا 16 نەمەسە ودان از جاعداي بولۋى ءتيىس ەدى.
ايتا كەتەيىك, 1 شىلدەدەن باستاپ گەرمانيا ەۋرووداققا توراعالىق ەتەدى. گفر بۇدان بۇرىن ءوزىنىڭ باستى ماقساتتارىن – 2027 جىلعا دەيىنگى ەو ەلدەرىنىڭ ەكونوميكاسىنا كومەك كورسەتۋ باعدارلاماسى تۋرالى كەلىسىمدى بەلگىلەدى. سونداي-اق Brexit جونىندەگى كەلىسسوزدەردى جانە اقش, قىتاي جانە رەسەيمەن باسەكەلەستىك قاتىناستاردا ەو-نىڭ پوزيتسياسى تۋرالى ناقتى مالىمدەدى.
