«مارسقا ۇشىپ بارۋ دەگەن يدەيانى ۇمىتىڭدار, باستارىڭنان شىعارىڭدار, ءبىز جەر بەتىندە تاپ سونداعىداي باسقا ءپىشىندى جان يەلەرىن جاساپ بەرەمىز». امەريكانىڭ بيولوگى ءارى گەنەتيگى كرەيگ ۆەنتەر (Craig Venter) قازىر تاپ وسىلاي دەپ جارياعا جار سالىپ جاتىر. بۇل تۋرالى paranormal-news.ru سايتى حابارلادى.
كرەيگ ۆەنتەر – جاساندى گەنوم (تۇقىمدىق ماتەريال) جاساپ, ونى جاسۋشاعا (كلەتكا) ەنگىزگەن الەمدەگى ءبىرىنشى عالىم. ول جاقىندا عىلىم زياتكەرلەرى جەر بەتىندە باسقا تەكتى پىشىندەگى جان يەلەرىن جاساپ شىعاراتىنىن ايتىپ وتىر. بەلگىلى گەنەتيكتىڭ سوزىنە قاراعاندا, عالىمدار تەك جاسۋشا عانا ەمەس, سونىمەن قاتار 3D-پرينتەرىنىڭ كومەگىمەن تۇتاس ورگانيزمدى جاساۋدىڭ باعدارلاماسىن قامتاماسىز ەتەتىن بولادى.
«ءبىزدىڭ بوگدە تەكتى تىرشىلىك پىشىندەرى گەنومدارىنىڭ كەز كەلگەن باسقا جاقتاعى ميكروبتارمەن ارالاسقان كەزدەگى دنك-لارىنىڭ قالاي ساقتالاتىنىن تەكسەرىستەن وتكىزۋ ماقساتىندا باسقا پلانەتالارعا روبوتتاردى جىبەرە باستايتىن شاعىمىزعا تىم كوپ قالعان جوق, - دەدى وسىعان وراي ۆينتەر. – ەگەر وسى ماتەريالدى جەرگە قايتا ورالتۋدىڭ ورايى كەلىپ جاتسا, ءبىز ولاردىڭ گەنومدارىن قايتا قالپىنا كەلتىرەر ەدىك. سوسىن مارس گەنومىنىڭ سينتەتيكالىق ۆەرسياسىنىڭ نەگىزىندە جەر بەتىندە مارستاعى ءومىر سۇرگەن تىرلىشىك يەلەرىن جاساۋعا پايدالاناتىن بولامىز».
بيولوگ سونداي-اق بۇل ءتاسىلدى قاراما-قارسى باسقا جاقتارعا دا پايدالانۋعا بولادى دەپ وتىر. جۋرناليستەرمەن اڭگىمە كەزىندە وقىمىستى سينتەتيكالىق جاسۋشانىڭ قازىردىڭ وزىندە جاسالىپ قويىلعانىن جەتكىزدى. ول سونىمەن قاتار جاساندى جولمەن دايىندالعان جاسۋشالاردى ينتەللەكت دەڭگەيىن كوتەرۋگە دە قولدانۋعا بولاتىنىن ايتتى.
مۇرات ايتقوجا.
