ساياسات • 26 ماۋسىم، 2020

سەسسيا جۇمىسى قورىتىندىلاندى

1 رەت كورسەتىلدى

سەنات توراعاسى ماۋلەن اشىمباەۆ پالاتانىڭ وتكەن سەسسياداعى جۇمىسىن قورىتىندىلادى. پالاتا سپيكەرىنىڭ ايتۋىنشا، وتكەن سەسسيادا پارلامەنت ەل يگىلىگىنە قىزمەت ەتەتىن ماڭىزدى بىرقاتار زاڭ قابىلدادى.

«بۇل كەزەڭ ەلىمىز ءۇشىن وڭاي بولعان جوق. بۇكىل الەممەن بىرگە ءبىز دە جاڭا سىن-قاتەرلەرمەن بەتپە-بەت كەلدىك. وسىن­­داي ساتتە پرەزيدەنتىمىزدىڭ باسشى­لى­عىمەن ەل ەكونوميكاسىن قالپىنا كەل­ت­ىرۋگە، حالىقتىڭ ءال-اۋقاتىن تۇزە­تۋگە با­عىتتالعان كەشەندى شارالار جۇ­زە­گە اسى­رىلۋدا. سول باستامالاردى جانە ەلى­مىزدىڭ ستراتەگيالىق ساياساتىن زاڭ­نا­مالىق تۇرعىدان قامتاماسىز ەتۋگە قازاق­ستان رەسپۋبليكاسىنىڭ سەناتى دا ءوزىنىڭ سالماقتى ۇلەسىن قوستى»، – دەپ اتاپ ءوتتى ماۋلەن اشىمباەۆ.

سەنات توراعاسى مەملەكەت باسشىسى العا قويعان مىندەتتەردى ىسكە اسىرۋ­داعى ناتيجەلى جۇمىسى ءۇشىن دەپۋ­تاتتارعا العىسىن ءبىلدىردى.

سەنات وتىرىسىندا قازاقستان رەسپۋب­ليكاسى پرەزيدەنتىنىڭ ۇسىنىمى بو­يىنشا ن.راحمەتۋللينا مەن ا.توكيەۆ جوعارعى سوتتىڭ سۋدياسى قىزمەتىنە سايلاندى. جاڭادان سايلانعان سۋديالار انت بەردى.

ودان بولەك، پالاتا «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسكە (سالىق كودەكسى) جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىن (سالىق كودەكسى) قولدانىسقا ەنگىزۋ تۋرالى» زاڭعا وزگەرىستەر مەن تو­لىق­­تىرۋلار ەنگىزۋ تۋرالى» زاڭدى قابىل­­دادى. بۇل زاڭ بۇدان بىلاي ەكونومي­كالىق ءوسۋدى قالپىنا كەلتىرۋگە ىقپال ەتەتىن بولادى. تۇزەتۋلەر مەملەكەتتىڭ كاسىپكەرلىك سۋبەكتىلەرىنە جانە حالىققا قولداۋ كورسەتۋىنە مۇمكىندىك بەرەدى ءارى بۇل ازاماتتاردىڭ ىسكەرلىك بەلسەندىلىگى مەن ءال-اۋقاتىنا وڭ اسەر ەتەدى.

سەنات دەپۋتاتتارى «قازاقستان رەس­پۋب­­ليكاسىنىڭ كەيبىر زاڭنامالىق اكتى­لەرىنە شەتەل ۆاليۋتاسىنداعى يپوتە­كا­لىق قارىزدار، كورسەتىلەتىن تولەم قىزمەت­تەرى نارىعىنىڭ سۋبەكتىلەرىن رەت­تەۋدى جەتىلدىرۋ، جالپىعا بىردەي دەك­لا­را­تسيالاۋ جانە ەكونوميكالىق ءوسۋ­دى قال­پىنا كەلتىرۋ ماسەلەلەرى بويىن­شا وزگەرىستەر مەن تولىقتىرۋلار ەنگىزۋ تۋرالى» زاڭدى دا قابىلدادى. وزگە­رىس­تەر 2016 جىلعى 1 قاڭتارعا دەيىن بەرىلگەن شەتەل ۆاليۋتاسىنداعى يپوتە­كالىق قارىزداردى كونۆەرتاتسيالاۋ جۇ­مىس­تارىن اياقتاۋعا مۇمكىندىك بەرەدى. سون­داي-اق بۇل قۇجات اقشانى جىلىستاتۋ قاۋپىن ازايتۋ، كاپيتالدى ەلدەن شىعارۋ جانە «كولەڭكەلى ەكونوميكاعا» قارسى ءىس-قيمىل ماقساتىندا تولەم جۇيەلەرىمەن قوسا بانكتىك ەمەس ۇيىمداردىڭ قىزمەتىنە قاتىستى ماسەلەلەردى ءتيىمدى رەتتەيدى.

سەسسيانىڭ قورىتىندى وتىرىسىندا سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اۋديتورلىق قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ­دى دا قابىلدادى. زاڭ حالىقارالىق تاجىري­بەلەردى ەسكەرە وتىرىپ وسى سالاداعى زاڭنامانى ودان ءارى جەتىلدىرۋ، ساپانى باقىلاۋ جانە اۋديتورلارعا اتتەستاتتاۋ جۇرگىزۋ جونىندەگى اشىق تالاپتاردى بەلگىلەۋ ارقىلى ساپانى ارتتىرۋ ماقساتىندا ازىرلەنگەن بولاتىن.

سەناتتا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ دا بەكىتىلدى. قۇجات بىرقاتار ەلەۋلى وزگە­رىستەردى، ونىڭ ىشىندە «ديپلوممەن – اۋىلعا!» باعدارلاماسىن قولدانۋ اياسىن كەڭىنەن تاراتۋدى، كونكۋرستىق ۇدەرىس­تەردى وڭتايلاندىرۋدى كوزدەيدى.

دەپۋتاتتار «قازاقستان رەسپۋبلي­كاسى­نىڭ كەيبىر زاڭنامالىق اكتىلەرىنە اۋىلدىق ەلدى مەكەندەردە ينتەرنەتتىڭ قول­جە­تىم­دىلىگىن قامتاماسىز ەتۋ ماسە­لە­لەرى بويىنشا وزگەرىستەر مەن تولىق­تىرۋلار ەنگىزۋ تۋرالى» زاڭدى دا ماقۇل­دادى. قۇجات انتەننا-دىڭگەك قۇرىلىستارى نەمەسە ۇيالى جانە سپۋتنيكتىك بايلانىس جابدىقتارى ءۇشىن تىرەك سالۋعا جەر ۋچاس­كەلەرىن بەرۋدىڭ وڭايلاتىلعان ءتار­تىبىن قاراستىرادى. ول وپەراتورلار قىز­­مەتىنىڭ تيىمدىلىگىن ارتتىرادى جانە اۋىل­دىق جەرلەردە جىلدام ينتەرنەتتى پاي­دالانۋعا مۇمكىندىك بەرەدى.

سونىمەن قاتار وتىرىستا سەنات «قازاق­ستان رەسپۋبليكاسىنىڭ كەيبىر زاڭنا­مالىق اكتىلەرىنە ويىن بيزنەسى ماسە­­لەلەرى بويىنشا وزگەرىستەر مەن تولىق­تىرۋلار ەنگىزۋ تۋرالى» زاڭدى قابىل­دادى. بۇل زاڭ بويىنشا بۋكمەكەرلىك كەڭ­س­ەلەر مەن توتاليزاتورلاردىڭ قىز­مەتىن باقىلاۋ تەتىكتەرى جەتىلدىرىلەدى.

دەپۋتاتتار «قازاقستان رەسپۋبليكا­سىنىڭ كەيبىر زاڭنامالىق اكتىلەرىنە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى. قۇجات سىبايلاس جەمقورلىق كورىنىستەرىنىڭ الدىن الۋ بويىنشا قوسىمشا شارالار ەنگىزۋدى كوزدەيدى.

سوڭعى جاڭالىقتار

ماڭگىلىك مۇرا تاعىلىمى

اباي • بۇگىن، 10:01

قحل كەستەسى جاريالاندى

حوككەي • بۇگىن، 08:16

تايجان مۇراسى توزبايدى

رۋحانيات • بۇگىن، 08:15

95 جاسىندا كۋالىك الدى

وقيعا • بۇگىن، 08:11

جەمقورلار اللەياسى كەرەك پە؟

ساياسات • بۇگىن، 08:03

ەكپەنى وزدەرىنە سالدىردى

قوعام • بۇگىن، 08:00

پاندەميا كەزىندەگى پەرزەنتحانا

مەديتسينا • بۇگىن، 07:57

جاڭا ماۋسىمداعى وزگەرىستەر

فۋتبول • بۇگىن، 07:37

قاتەرلى ماۋسىم

الەم • بۇگىن، 07:26

ۇزدىك 8 كوماندا انىقتالدى

فۋتبول • بۇگىن، 07:20

قۇلقىن ءھام قۇلدىق

قوعام • بۇگىن، 07:15

ءتىلسىز جاۋدىڭ تاقسىرەتى

ايماقتار • بۇگىن، 07:08

تەگىن ءدارى-دارمەك كىمگە تيەسىلى؟

مەديتسينا • بۇگىن، 06:50

شاراپاتى مول «شەت-كومەك»

ەكونوميكا • بۇگىن، 06:39

ۇقساس جاڭالىقتار