ايماقتار • 26 ماۋسىم، 2020

كونە تارازدىڭ ساۋلەتى ارتىپ كەلەدى

9 رەت كورسەتىلدى

وتكەن جىلى جامبىل وبلىسىنىڭ ورتالىعىنان «كونە تاراز» تاريحي-ەتنومادەني كەشەنى اشىلعان بولاتىن. بىرنەشە نىساننان تۇراتىن كەشەننىڭ شىعىستىق ۇلگىدەگى ەرەكشەلىگى دە تالايدى تاڭداندىرعان.

ال بۇگىندە اتالعان كەشەن ماڭىن­داعى «مارت» ساۋدا جانە ويىن-ساۋىق ورتالىعىنىڭ جانىندا ورنالاسقان «اربات» جاياۋ جۇرگىنشىلەر جولىنىڭ ءۇشىنشى كەزەڭىنىڭ قۇرىلىسى باس­تالدى. جوبالاۋشىلاردىڭ يدەياسى بويىن­شا «اربات» جاياۋ جۇرگىنشىلەر جولى «كونە تاراز» كەشەنى قاراحان با­با كەسەنەسىن بايلانىستىرادى. مۇن­دا جالپى اۋدانى 2،5 گەكتاردى قۇراي­تىن ۇزىندىعى 320 مەترلىك سازدى سۋبۇرقاق ىسكە قوسىلادى. سونداي-اق 8 ءتۇرلى اعاشتىڭ 160-تان استام كوشەتى وتىرعىزىلىپ، جارىقتاندىرۋ جۇ­مىستارى جۇرگىزىلەدى. كونە شا­ھار­دىڭ كەلبەتىن ارتتىرۋ ءۇشىن ورىن­دىقتار مەن ساكىلەر ورناتىلادى. سونى­مەن قاتار 18 مىڭ شارشى مەتر جەرگە ورنەكتاستار توسەلەدى. مۇنداعى جۇمىس­قا بارلىعى 50 ادام تارتىلعان جانە ولاردىڭ ورتاشا جالاقىسى 100 مىڭ تەڭگەنى قۇرايدى.

مەردىگەر ۇيىمنىڭ ديرەكتورى ەركەبۇلان ەگىزباەۆتىڭ ايتۋىنشا، نىساندى مەرزىمىنەن بۇرىن تاپسىرۋ كوزدەلۋدە ەكەن. ياعني نىسان شىلدە ايىنىڭ سوڭىندا تاپسىرىلادى دەپ كۇتىلۋدە. بۇگىنگى تاڭدا جۇمىستىڭ 50 پايىزدان استامى اياقتالعان. جاياۋ جۇرگىنشىلەر اللەياسىنىڭ جانىنا ساۋدا پاۆيلوندارىن دا سالۋ جوسپارلانعان. تاراز قالاسىندا وتكەن عاسىردىڭ باسىندا سالىنعان «اۋليە-اتا» مەشىتىن قايتا قالپىنا كەلتىرۋ جۇمىستارى دا قولعا الىنۋدا. اتالعان عيبادات ءۇيى ۇلتىمىزدىڭ تاريحي جادىگەرلەرىنىڭ بىرىنەن سانالادى. ءبىر ايتا كەتەرلىگى، بۇل جۇمىستار بيۋدجەتتەن تىس قاراجاتتار ەسەبىنەن اتقارىلۋدا. ەكى مىڭ جىلدان استام تاريحى بار كونە شاھاردىڭ ساۋلەتىن ارتتىرۋ جالعاسادى.

 

جامبىل وبلىسى

 

سوڭعى جاڭالىقتار

ۇرى الىستان كەلمەپتى

ايماقتار • بۇگىن، 10:15

شاشتان شاحمات تاسىن جونادى

تانىم • بۇگىن، 07:44

ونلاين-سورەدە – ويلى كىتاپتار

رۋحانيات • بۇگىن، 07:42

دارىگەرلەرگە كولىك سىيلادى

وقيعا • بۇگىن، 07:17

سوڭعى پاتسيەنت ۇيىنە قايتتى

قوعام • بۇگىن، 07:05

جامانتاۋدى جوعالتىپ المايىق

رۋحانيات • بۇگىن، 06:50

سەنات دەپۋتاتتارى سايلاندى

سايلاۋ • بۇگىن، 06:48

ادەپتى ادەمى ۇستاز

رۋحانيات • بۇگىن، 06:47

ۇقساس جاڭالىقتار