بەلسەندى ۇزاق ءومىر ورتالىعى – ەرەسەك ادامدار اعىلشىن ءتىلىن ۇيرەنىپ, كومپيۋتەرلىك ساۋاتتىلىق كۋرستارىنان ءوتىپ, ەمدىك دەنە شىنىقتىرۋمەن, بيمەن جانە ت.ب. اينالىسا الاتىن بوس ۋاقىتىن وتكىزۋ مەكەمەسى. ناتيجەسىندە, ەگدە جاستاعى قازاقستاندىقتار قوعامعا بەلسەندى تۇردە ارالاسىپ, ولاردىڭ پسيحوەموتسيونالدىق جاعدايى جاقسارۋدا. ازىرگە مۇنداي ورتالىقتار ەلىمىزدىڭ بىرنەشە قالاسىندا عانا جۇمىس ىستەيدى.
الماتى قالاسى «بەلسەندى ۇزاق ءومىر» ورتالىعى ىسكە قوسىلعان قازاقستانداعى العاشقى ءوڭىر بولدى. ول 2018 جىلى ماۋسىم ايىندا اشىلدى. ورتالىق 75 ادامعا ەسەپتەلگەن, بىراق سۇرانىسقا بايلانىستى كۇن سايىن وعان 350-گە جۋىق ادام قاتىستى. 2019 جىلدىڭ سوڭىنا قاراي قالانىڭ بارلىق اۋداندارىندا ءدال سونداي 7 مەكەمە ىسكە قوسىلدى. باعدارلاما دۇنيەجۇزىلىك دەنساۋلىق ساقتاۋ ۇيىمى ازىرلەگەن قارتايۋ پروبلەمالارى جونىندەگى مادريد حالىقارالىق ءىس-قيمىل جوسپارىنىڭ تۇجىرىمداماسىن ەسكەرە وتىرىپ ازىرلەندى. قارتايۋ ماسەلەلەرى جونىندەگى ساراپشىلار بۇكىل ەل بويىنشا بەلسەندى ۇزاق ءومىر ورتالىقتارىنىڭ كوپ بولۋىن بارىنشا قاجەتتى جانە ۋاقتىلى شارا دەپ اتايدى.
ء«بىزدىڭ ۇيىمىمىزدىڭ باستى مىندەتتەرىنىڭ ءبىرى – اعا بۋىننىڭ سالاماتتى ءومىر سالتىن قولداۋ بولىپ تابىلادى. بارلىق وڭىرلەردە بەلسەندى ۇزاق ءومىر ورتالىقتارىنىڭ اشىلعانىنا وتە قۋانىشتىمىن. ويتكەنى بۇۇ ەسەپتەۋلەرى بويىنشا 50 جىلدان كەيىن پلانەتانىڭ ءاربىر التىنشى تۇرعىنى ەگدە جاستاعى ادام بولادى. سوندىقتان قازىردەن باستاپ قارت ادامدارعا ساپالى, ءار ءتۇرلى جانە بەلسەندى ءومىر ءسۇرۋدى قامتاماسىز ەتۋ بويىنشا جۇمىستى باستاۋ اسا ماڭىزدى», دەدى «ارداگەر» قب ءتورايىمى بايان احمەتجانوۆا.
ايتا كەتۋ كەرەك, سوڭعى 5 جىلدا 65 جاستان اسقان ادامداردىڭ ۇلەسى 2 ەسەگە ارتتى. ناتيجەسىندە, حالىقارالىق ستاندارتتارعا سايكەس, قازاقستان 2017 جىلى حالقى ەسەيگەن ەلدەر توبىنا كىردى.
