ERG ءباسپاسوز قىزمەتىنىڭ حابارلاۋىنشا, ىندەت تاراعان وسى ءبىر قىسىلتاياڭ شاقتا دا Eۋرازيالىق توپ الەۋمەتتىك سالاداعى قايىرىمدىلىق جوبالارىن قارجىلاندىرۋدى جالعاستىرا بەرەدى. مىسالى, كومپانيا الەۋمەتتىك قولداۋ باستاماسى ارقىلى ەرەكشە ويىن الاڭىن سالۋعا 8 ملن تەڭگە جۇمسادى. ءداستۇرلى يننوۆاتورلار فورۋمىنىڭ باعدارلاماسىنداعى «الەۋمەتتىك جوبالار» بايقاۋىندا كومپانيا قىزمەتكەرلەرى وزدەرى تۇرىپ جاتقان قالانىڭ, قالاعا قاراستى اۋىلدىق اۋماقتىڭ الەۋمەتتىك ماسەلەلەرىنە ارنالعان جوبالارىن ۇسىنادى. بايقاۋ شارتى بويىنشا «ۇزدىك» جانە «ەرەكشە» دەپ باعالانعان جوبالار عانا جۇزەگە اسىرىلادى.
– ءبىز تۇراتىن تۇرعىن ءۇي كەشەنىنىڭ اۋلاسى كەڭ. ءار پاتەردەن شىعاتىن كىشكەنتاي بالالار دا كوپ. بىراق وكىنىشكە قاراي, اۋلاداعى بالالاردىڭ ويىن الاڭى ابدەن توزعان ەدى. اتكەنشەكتەرى سىنعان, سىرعاناقتى توت باسىپ, ءتىپتى ورىندىقتار دا قالماعان. مىنە, وسى ماسەلە اتا-انالاردى الاڭداتىپ, كوپتىڭ كوڭىلىندە جۇرەتىن, – دەيدى زاۋىت قىزمەتكەرى جان ازانباەۆ.
جان باستاعان تۇرعىندار ويلانا كەلە وسى جوبانى قولعا الدى. اۋلا بالالاردىڭ جاس ەرەكشەلىكتەرىنە ساي ارنايى اۋماقتارعا ءبولىندى. ءساتىن سالىپ, جوبا بايقاۋدا «ۇزدىك» ءارى «ەرەكشە» اتالىمىندا جەڭىمپاز اتاندى. بۇگىندە بۇل جوبا ىسكە قوسىلىپ, جارقىراپ, جايناپ تۇر. بالالاردىڭ دا, اتا-انالاردىڭ دا قۋانىشىندا شەك جوق. ەرەكشە الاڭ بالالاردىڭ كۇلكىسىنە تولىپ, الاڭسىز ويناۋلارىنا وتە ىڭعايلى بولدى.
– ءتىپتى بورمەن سۋرەت سالۋعا ارنالعان ستەند, ستريتبول الاڭى, بۇلدىرشىندەرگە ارنالعان مۋزىكالىق ستەند پەن ۆوركاۋت-كەشەنى دە بار, – دەيدى ج.ازانباەۆ.
تاعى ءبىر ەرەكشەلىگى, بۇل وتباسىلىق الاڭعا اينالدى: بالالارمەن قاتار ەرەسەكتەردىڭ دە سپورتپەن اينالىساتىن ترەناجەرلەر جيىنتىعى ورناتىلدى. اۋماق اباتتاندىرىلىپ, ورىندىقتار مەن قوقىس جاشىكتەرى, بەينەباقىلاۋ جۇيەسى قويىلدى. ءيا, الىپ كاسىپورىندار ءوڭىر تۇرعىندارى الدىنداعى الەۋمەتتىك جاۋاپكەرشىلىگىن توتەنشە جاعداي كەزىندەگى قيىندىقتارعا قاراماستان ورىنداۋدا. بيىل ERG مەن اكىمدىك اراسىندا توپتىڭ «تۋعان جەرى» سانالاتىن وڭىرلەرگە جالپى قۇنى 6,8 ملرد تەڭگەدەن اساتىن الەۋمەتتىك ماڭىزدى جوبالاردى بىرلەسە جۇزەگە اسىرۋ تۋرالى مەموراندۋمدار جاسالعان. 2001-2019 جىلدار ارالىعىندا ەۋرازيالىق توپ قۇيعان الەۋمەتتىك ينۆەستيتسيالاردىڭ جالپى كولەمى 272,5 ملرد تەڭگەدەن اسقان. سونىمەن بىرگە رەسپۋبليكالىق ء«بىز بىرگەمىز» قورىنا 4,6 ملرد تەڭگە, تۇركىستان وبلىسى ماقتاارال اۋدانىندا اپاتتان زارداپ شەككەندەرگە 2 ملرد تەڭگە كولەمىندە جاردەم بەرگەن.
پاۆلودار وبلىسى,
اقسۋ قالاسى
