جەدەل جاردەمنىڭ جۇگى اۋىرلادى

جيىن بارىسىندا ساۋلە قيسىقوۆا كۇنىنە كوروناۆيرۋس ينفەكتسياسى جانە پنەۆمونيا­مەن 350-400-گە جۋىق ادام اۋرۋحاناعا جاتقىزىلاتىنىن جەتكىزدى.

«جۇقپالى اۋرۋلار جانە پروۆي­زور­لىق اۋرۋحانالاردا ادامداردىڭ سانى بۇگىندە 2,5 مىڭعا دەيىن ءوسىپ وتىر. ونىڭ 91 پايىزى – ورتاشا اۋىر, 9 پايىزى – اۋىر جانە وتە اۋىر جاعدايدا. ولار جەدەل رەاني­ماتسيا بولى­مىنە بىردەن تۇسەدى. نەگىزى, سوڭعى اپتامەن سالىستىرعاندا, ناۋ­قاستاردىڭ سانى ءۇش ەسەگە دەيىن ءوستى. وسى تاۋلىكتە رەانيماتسيا بولى­مىندە 103 ادام جاتىر, ونىڭ 55-ءى كورونا­ۆي­رۋس ينفەكتسياسى بولسا, سونىڭ ىشىندە 22 ادام جاساندى تىنىس الۋ اپ­پا­را­تى­نا قوسىلعان. وكىنىشكە قاراي, بۇگىندە 38 ءولىم جاعدايى تىركەلدى. ولاردىڭ 70 پايىزى – 60 جاستان اس­قان ادامدار. پنەۆمونيامەن اۋىراتىن ناۋقاستاردىڭ سانى تاۋلىگىنە 600 جاعدايعا دەيىن ءوستى. بۇرىن 80 جاعدايعا دەيىن بولاتىن. اپتاسىنا 8,5 ەسەگە دەيىن جوعارىلاۋى بايقالىپ وتىر. 12 ماۋسىمنان باستاپ نۇر-سۇل­تان قالاسىنداعى مەديتسينالىق ۇيىمداردىڭ توسەك-ورىن قورىن قايتا قۇرۋعا بايلانىستى جۇق­پالى جانە پروۆيزورلىق اۋرۋ­حا­نالارداعى توسەك-ورىن سانى 1351 ورىنعا ۇلعايتىلدى. تەك سوڭعى ءۇش كۇندە قوسىمشا 830 توسەك-ورىن دايىندالدى. ونىڭ ىشىندە بۇگىن ۇلتتىق عىلىمي مەديتسينالىق ورتالىقتىڭ بازاسىندا تاعى 200 ين­فەك­تسيالىق توسەك-ورىن دايىندالادى. سونىمەن, بۇگىندە كوروناۆيرۋس ينفەك­تسياسىمەن كۇرەسۋگە 3 135 توسەك-ورىندىق 12 دەنساۋلىق ساقتاۋ ۇيىمى جۇمىلدىرىلدى. قازىرگى ۋاقىتتا جۇقپالى جانە پروۆيزورلىق اۋرۋحانالاردا جۇمىس جۇكتەمەسى 79 پا­يىزدى قۇراپ وتىر», دەدى باسقارما باسشىسى.

سونىمەن قاتار ول ەلوردادا جەدەل جاردەم قىزمەتىنە جۇكتەمە ارتقانىن العا تارتتى.

«ەلوردادا جەدەل جاردەم قىز­مە­تىنە جۇكتەمە ارتتى. اپتا­سىنا تۇر­­­عىنداردان 28 مىڭ ءوتىنىش كەلىپ تۇس­كەن. سوڭعى تاۋ­لىك­تە بۇل كورسەتكىش 4,5 مىڭعا دەيىن جەتتى. قىزمەت كورسە­تىل­گەن شاقىرۋلاردىڭ سانى 18 مىڭعا جۋىقتاپ, كەشە 2,8 مىڭ بولدى. سونىڭ ىشىن­دە اپتاسىنا كوروناۆيرۋس ىندەتىنە بايلانىستى 4 438 قوڭىراۋ شالىندى. كەشە 1300 شاقىرتۋ بولدى. جە­دەل جاردەم بازاسىندا اۋماقتىق ەمحانا­لار­دىڭ ورتا مەديتسينالىق قىز­­­مەت­كەر­لەرىنىڭ بايلانىس ور­تا­­لىعى ۇيىم­داستىرىلدى. وندا كۇن سايىن ورتا ەسەپ­پەن 500-گە دەيىن قوڭىراۋ تۇسەدى. نەگىزىنەن سۇراقتار كورونا­ۆيرۋس ينفەكتسياسىنا قاتىستى. سو­نىمەن قاتار العاشقى مەدي­تسي­نالىق سانيتارلىق كومەك ۇيىم­دارىندا, اۋماق­تىق ەمحانا­لار­دا قوسىمشا جانە جاڭا جەدەل جاردەم توپتارىن قۇرۋ تۋرالى شەشىم قابىلداندى. جالپى, جەدەل جاردەم تەلەفون قوڭىراۋلارىنا قىز­مەت كورسەتۋ ءۇشىن كۇن سايىن شامامەن 150-گە جۋىق جەدەل جاردەم بريگاداسى جۇمىس ىستەپ جاتىر», دەدى س.قيسىقوۆا.

نۇر-سۇلتان قالاسى قوعام­دىق دەن­­ساۋلىق ساقتاۋ باسقار­ما­سىنىڭ باس­شىسىنىڭ ايتۋىن­­­شا, ەرەسەكتەر مەن بالالارعا جەدەل مەديتسينالىق كومەك تو­لىق كولەمدە جۇرگىزىلىپ جا­تىر. ونىڭ ىشىندە جۇكتى ايەل­دەر­گە مە­ديتسينالىق كومەك 360 ورىن­عا ار­نالعان ەكى پەريناتالدى ورتا­لىقتا كور­سەتىلەدى. بۇعان قوسا كوروناۆيرۋس ينفەكتسياسىن جۇقتىرعان جۇكتى ايەل­دەرگە 185 ورنى بار №2 پەريناتالدى ورتالىق نەگىزىندە (Covid-ورتا­لىق­تا) مەديتسينالىق كومەك كورسەتىلەدى.