قالالىق كاسىپكەرلىك جانە اۋىل شارۋاشىلىعى ءبولىمى وكىلدەرى حابارلاعانداي, بۇگىندە وسى ماقساتقا پاۆلوداردا التى ورىن ۇيىمداستىرىلعان: نازارباەۆ, 89, نازارباەۆ-تولستوي («ازيا» دۇكەنى), دەۋ مولتەك اۋدانى, قامزين, 171 («كەرۋەن»), بەكحوجين, 15/1 («كوكتەم»), ومبى تاس جولى («سوسنوۆىي بور»).
اتالعان اقپارات جاريالانعاننان سوڭ الەۋمەتتىك جەلىلەردە ساۋدا ورىندارىنىڭ تاپشىلىعى جونىندە پىكىرلەر ايتىلا باستادى.
ايتالىق, پاۆلودارلىق ناتاليا پودتيتكوۆا Instagram جەلىسىندە زاتون بازارى ءماىىندا ءوز ءونىمىن وتكىزۋگە نيەت ءبىلدىردى.
- ءبىز زاتون جانە «اسىل» بازارلارىندا تۇرامىز. ادامدار سول جەردە ترامۆايدان ءتۇسىپ, ءبىزدىڭ كوكونىستەرىمىزدى ساتىپ الۋعا اسىعادى. ەندى ساياجاي ونىمدەرىن تاسىپ, باسقا جەرگە بارۋىمىز كەرەك پە. وسى ماسەلەنى رەتتەۋگە بولادى عوي, - دەيدى ناتاليا پودتيتكوۆا.
الەۋمەتتىك جەلىلەر پايدالانۋشىلارى قالالىقتاردىڭ ءبىرازى «وتاۋ» جانە لەرمونتوۆ-ءموشھۇر ءجۇسىپ كوشەلەرىنىڭ قيىلىسىندا ورنالاسقان بازاردا ساتقىسى كەلەتىنىن ايتۋدا. الايدا بۇل نۇكتەلەردە ورىن جوق. باسقا بازارلاردا دا جاعداي وسىنداي.
قالالىق ءبولىم باس مامانى اسەل كەنجالينانىڭ ايتۋىنشا, ساياجاي ونىمدەرىن ساتۋعا ءۇشىن حيم قالاشىعى, «الاتاۋ» ءسۇ جانە ەكىنشى پاۆلودار مولتەك اۋدانىندا جاڭا ورىندار اشۋ جوسپارلانۋدا.
- ساياجاي يەلەرى بۇل ورىنداردى تەگىن پايدالانا الادى. ءبىز بارلىق اۋدانداردى قامتۋعا تىرىسامىز. بۇگىندە «زاتون» بازارىمەن زەينەتكەرلەرگە ارنالعان ورىنداردى بەرۋ جونىندە كەلىسىمگە كەلدىك.
ءبولىم باس مامانى بارلىق ساۋالدار بويىنشا 65-24-48 تەلەفونىنا حابارلاسۋعا بولاتىندىعىن جانە تۇرعىنداردىڭ وتىنىشتەرى ەسكەرىلەتىنىن ايتتى.
