الەكسەي الەكسەەۆيچتىڭ ءوزى دارىگەرلەرگە, ينستيتۋتتىڭ بۇكىل ۇجىمىنا ريزاشىلىعىن ءبىلدىردى. «مەن دارىگەرلەرگە وتە ريزامىن, ونى سوزبەن ايتىپ جەتكىزە المايمىن, ءوزىمدى جاقسى سەزىنەمىن, دەندەرىڭىز ساۋ بولسىن», دەدى ول. سونداي-اق باسقا پاتسيەنتتەر دە الەكسەي الەكسەەۆيچتى قۇتتىقتاپ, ىزگى تىلەكتەرىن ءبىلدىردى.
كارديوحيرۋرگيا بولىمشەسىنىڭ مەڭگەرۋشىسى رۇستەم تولەۋتاەۆتىڭ ايتۋىنشا, پاتسيەنت ستاتسيونارعا جاتقىزىلعان كەزدە, ونىڭ شامالى كۇش تۇسكەندە ەنتىگۋ, اۋا جەتىسپەۋشىلىگى, جۇرەگى قىسىپ, تەز شارشاۋ, جالپى السىزدىك سياقتى شاعىمدارى بولعان ەكەن. ول جاعدايدىڭ اۋىرلىعىن جۇرەك جيىرىلۋىنىڭ تومەندەۋىمەن دە بايلانىستىردى.
پاتسيەنت 15 جىل بويى سوزىلمالى وبسترۋكتيۆتى وكپە اۋرۋى جانە برونح دەمىكپەسىمەن ەسەپتە تۇرعان, جۇرەككە تەكسەرىلمەگەن جانە ەمدەلمەگەن, تىنىس جەتىسپەۋشىلىگى برونح جانە وكپە پاتولوگياسىمەن بايلانىستىرىلعان.
كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا وعان ارالاس اورتا اقاۋلارى (كريتيكالىق ستەنوز جانە 2 دارەجەلى جەتكىلىكسىزدىك), ميترالدى قاقپاقشانىڭ جەتكىلىكسىزدىگى, 3 دارەجەلى ارتەريالدى گيپەرتەنزيا دياگنوزى قويىلىپ, حيرۋرگيالىق ەمگە كورسەتكىشتەرى بار ەكەنى ايتىلدى. پاتسيەنتتىڭ وپەراتسيادان كەيىنگى جاعدايى تۇراقتى, انتيباكتەريالدى جانە دارىلىك تەراپيا الىپ, تىنىس الۋ جاتتىعۋلارىمەن اينالىسۋدا.
